Yoon Dil Se Kisi Dard Ka Paymaan Nahi Karte
Ab Jaan Pe Bani B Hai To Darmaan Nahi Karte,
Har Yaad Ko Yoon Zakhm Banate Nahi Dil Ka
Har Teer Ko Paywast-e-Rag-e-Jaan Nahi Karte,
Yeh Masla Ab Ehl-e-Muhabat Ka Hai Apna
Marte Hain To Kuch Aap Pe Ehsaan Nahi Karte,
Khat Laaen Na Laaen Tera, Hum Nama Baro Ko
Bas Dekhte Rehte Hain Pareeshaan Nahi Karte,
Aysa Bhi To Qatil Nahi Khanjar Goluu Ko
Itna Bhi To Qatil Ko Pashemaan Nahi Rakhte,
Kab Sham`een Jalata Hai Shab-e-Maah Mein Koi
Tu Aaye To Hum Ghar Mein Chargaan Nahi Karte,
Logon Ko Gumaan Tak Nahi Hota Januu Ka
Hum Dil Ki Tarah Chaak Garebaan Nahi Karte,
Hum Taj K Chale Aate Hain Yaaro Dar-e-Janaa
Ghalib Ki Tarah Minnat-e-Darbaan Nahi Karte.
No comments:
Post a Comment