Mohabbat Ki Aseeri Se Rehai Maangtay Rehna

Mohabbat Ki Aseeri Se Rehai Maangtay Rehna
Boht Aasaan Nahi Hota Judai maangtay rehna..

Zara Sa Ishq Kar Lena Zara Si Aankh Bhar Lena
Phir Uske Ewaz Mein Sari Khudai Maangtay Rehna..

Kbhi Mehroom Honton Per Dua Ka Harf Rakh Dena
Kbhi Wehshat Mein Uski Naarsai Maangtay Rehna..

Wafaon K Tasalsul Se Mohabbat Rooth Jati Hai
Kahani Mein Zara Si Bewafai Maangtay Rehna..

Ajab Hai Wehshat-E-Jaan Bhi K Aadat Ho Gayi Dil Ki
Sukoot-E-Shaam-E-Ghum Se Humnawai Maangtay Rehna..

Kbhi Bachay Ka Nannay Haath Per Tiltli K Parr Rakhna..!!
Kbhi Phir Uske Rangon Se Rehai Maangtay Rehna...
{Noshi Gelani}

Mohabbat Mein Gar Ye Tijarat Na Hoti

Muhabat Mein Gar Yeh Tijarat Na Hoti
Qiyamat Se Pehle Qiyamat Na Hot,

Samjh Paate Hum Bhi Na Is Zindgi Ko
Jo Hum Pe Khuda Ki Inayat Na Hoti,

Yeh Dushwariyaan Hum Ko Bas Maar Deteen
Agar Hum Mein Jeene Ki Salahiyat Na Hoti,

Bhula Hum Bhi Dete Kisi Be Wafa Ko
Wafa Ki Agar Hum Ko Aadat Na Hoti,

Pukara Na Karte Yoon Deewangi Se
Jo Dil Ko Tumhari Yoon Chahat Na Hoti,

Agar Hote Hum Bhi Sanam Patharon K
To Jeewan Se Hum Ko Shikayat Na Hoti,

Na Dozakh Mein Jalta Koi Is Tarah Se
Jo Shetaan Dil Ki Shararat Na Hoti,

Na Be Chain Karti Woh Khawabon Ki Nagri
Sanam Ki Jo Us Mein Ziyarat Na Hoti,

Na Khate Jo Dhoka Agar Hum Tumhi Se
To Dhoke Mein Maharat Na Hoti,

"Kanwal" Hota Hai Mushkil, Unhen Mom Karna
Gulon Se Jo Yun Mein Hlawat Na Hoti.