Dil Ki Bisaat Kyaa Thii Nigaah-E-Jamaal Men

Dil Ki Bisaat Kyaa Thii Nigaah-E-Jamaal Men
Ek Aaiinaa Thaa Tuut Gayaa Dekh Bhaal Men

Sabr Aa Hii Jaaye Gar Basar Ho Ek Haal Men
Imkaan Ek Aur Zulm Hai Qaid-E-Muhaal Men

Aazurda Huun Is Qadar Saraab-E-Khayaal Se
Jii Chaahtaa Hai Tum Bhii Na Aao Khayaal Men

Duniaa Hai Khwaab, Haasil-E-Duniaa Khayaal Hai
Insaan Khwaab Dekh Rahaa Hai Khayaal Men

Umr-E-Do-Rozaa Vaaqaii Khwab-O-Khayaal Thii
Kuchh Khwaab Men Guzar Gaii, Kuchh Khayaal Men