Nazar Fareb-E-Kaza Kha Gai To Kya Hoga

Nazar Fareb-E-Kaza Kha Gai To Kya Hoga
Hayat Maut Se Takara Gai To Kya Hoga

Nai Sahar Ke Bahut Log Muntazir Hain Magar
Na-I Sahar Bhi Kajla Gai To Kya Hoga

Na Rahnumaon Ki Majalis Main Le Chalo Mujhko
Main Be-Adab Hun Hansi A Gai To Kya Hoga

Gam-E-Hayat Se Beshaq Hai Khudkushi Asan
Magar Jo Maut Bhi Sharma Gai To Kya Hoga

Shabab-E-Lala-O-Gul Ko Pukaranevalo
Khizan-Sirisht Bahar A Gai To Kya Hoga

Ye Fikr Kar K Is Asudagi K Dhoke Main
Teri Khudi Ko Bhi Maut A Gai To Kya Hoga

Khushi Chini Hai To Gam Ka Bhi Aitamad Na Kar
Jo Ruh Gam Se Bhi Ukta Gai To Kya Hoga 

Udas Kion Ho

Gulab Rut Mein Haseen Chehro
Hamein Batao Usad Kion Ho,
Dilon Pe Beeti Sari Kahanian
Sab Sunao Udas Kion Ho,
Jo Ranjishein Dil Mein Pal Rahi Hain
Munafqat Mein Jo Dhal Rahi Hain
Bhula Ke Shikwey Mita Ke Doori
Galey Lagao Udas Kion Ho,
Kitab E Dil Ke Tamam Safhon Pe
Hum Ne Likha Hai Lafz Mohabbat
Hamein Hamari Wafa Ke Agey
Saza Sunao Udas Kion Ho
Fareb Khana Bhi Mashghala Hai
Fareb Dena Bhi Mashghala Hai
To Dil Ke Lutney Pe Kaisa Maatam
Khushi Manao Udas Kion Ho