Dil-E-Naadaa'n Tujhe Huaa Kyaa Hai

Dil-E-Naadaa'n Tujhe Huaa Kyaa Hai
Aakhir Is Dard Kii Davaa Kyaa Hai

Ham Hain Mushtaaq Aur Vo Bezaar
Ya Ilaahii Ye Maajaraa Kyaa Hai

Main Bhi Munh Me Zabaan Rakhataa Hun
Kaash Puchho Ki Muddaa Kyaa Hai

Jab Ki Tujh Bin Nahin Koii Maujood
Phir Ye Hangama, Ae Khudaa Kyaa Hai

Humko Unse Wafaa Kii Hai Ummiid
Jo Nahin Jaanate Wafaa Kyaa Hai

Buhat Mila Na Mila Zindagi Se Gham Kya Hai

Buhat Mila Na Mila Zindagi Se Gam Kya Hai
Mata-E-Dard Baham Hai To Besh-O-Kam Kya Hai

Ham Ek Umr Se Waqif Hain Ab Na Samjhao
K Lutf Kya Hai Mere Meharban Sitam Kya Hai

Kare Na Jag Main Alaw To Sher Kis Maqsad
Kare Na Shahar Main Jal-Thal To Chashm-E-Nam Kya Hai

Ajal K Hath Koi A Raha Hai Parwana
Na Jane Aj K Fehrist Main Raqam Kya Hai

Sajao Bazm Gazal Gao Jam Taza Karo
Buhat Sahi Gam-E-Geti Sharab Kam Kya Hai

Lihaz Main Koi Kuch Dur Sath Chalta Hai
Wagarna Dahar Main Ab Khizr Ka Bharam Kya Hai