Bahot Pehle Se Un Qadamon Ki Aahat Jan Lete Hain

bohut pehle se un qadamon ki aahat jaan lete hain
tujhe ay zindagi hum door se pehchaan lete hain

meri nazaren bhi aise qaatilon ka jaan o imaan hain
nigaahen milte hi jo jaan aur imaan lete hain

tabiyat apni ghabraati hai jab sunsaan raaton mein
hum aise mein teri yaadon ki chaadar taan lete hain

Khud apna faislaa bhi ishq mein kafi nahi hota
use bhi kaise kar guzren jo dil mein Thaan lete hain

jise surat bataate hain pataa deti hai seerat kaa
ibaarat dekh kar jis tarhaa maa'ni jaan lete hain

tujhe ghaata na hone denge kaarobaar e ulfat mein
hum apne sar teraa ay dost har ehsaan lete hain

Firaq aksar badal kar bhes miltaa hai koi kaafir
kabhi hum jaan lete hain kabhi pehchaan lete hain..X..

(Firaq Gorakhpuri)

Tum Ajab Ho Meri Chahat Ke...

tum ajab ho meri chaht ke nesibon ki tarha
monsalik gham ke tasalsal ki gunahgari se
beqarari ki agar koi shakal hoti to wo tum hote
ya ke bus mein hota
tum ajab ho meri anhkon ki tarha
apni veerani se bahir ki bybani ko takti hoi
aur beghi hoi
jane kis khadshe mein gum, soch mein khoi hoi
kuch soch ke ghabhrai hoi
tum ajab ho
mere sharon ki tarha
raat ke jage hoe
dhop mein kumlaye hoe
hijar ki rahguzaron ki tarha
bal mein bal khye hoe
door tak chayi hoi
zard ghtaon ki tarha
tum ajab ho mera khwabon ki tarha
umer se ujrye hoe bikhre hoe tarse hoe
tum ajab ho mere nainon ki tarha
barse hoe barse hoe..........