Ab Hussan Ka Rutba Aali Hai Ibn e Insha

Insha Ji ! Uththo ! Ab Kuuch Karo,

Insha Ji ! Uththo ! Ab Kuuch Karo, Is Sha’hr Men Jii Kaa Lagaanaa Kyaa
Vahshii Ko Sukuun Se Kyaa Matlab, Jogii Kaa Nagar Men Thikaanaa Kyaa

Is Dil Ke Dariidaa-Daaman Ko Dekho To Sahii, Socho To Sahii
Jis Jholii Men Sau Chhed Hue Us Jholii Ko Phailaanaa Kyaa

Shab Biitii, Chaand Bhii Duub Gayaa, Zanjiir Parii Darvaaze Men
Kyun Der Gaye Ghar Aaye Ho, Sajnii Se Karoge Bahaanaa Kyaa

Us Husn Ke Sachche Motii Ko Ham Dekh Saken, Par Chhuu Na Saken
Jise Dekh Saken Par Chhuu Na Saken Vo Daulat Kyaa Vo Khazaanaa Kyaa

Us Ko Bhii Jalaa Dukhte Hue Man, Ik Sholaa Laal Bhabhuukaa Ban
Yun Aansuu Ban Beh Jaanaa Kyaa, Yun Maatii Men Mil Jaanaa Kyaa

Jab Sha’hr Ke Log Na Rasta Dekhen, Kyun Ban Men Na Jaa Vishraam Kare
Diivaanon Kii Sii Na Baat Kare, To Aur Kare Diivaanaa Kyaa

Dekh Hamari Deed Ke Karan Kaisa Qaabil E Deed Hua

Dekh Hamari Deed Ke Karan Kaisa Qaabil E Deed Hua
Ek Sitaara Baithe Baithe Taabish Men Khursheed Hua

Aaj To Jaani, Rastaa Takte, Shaam Ka Chand Padeed Hua
Tu Ne To Inkaar Kiya Tha, Dil Kab Naa-Ummeed Hua??

Aan Ke Is Beemaar Ko Dekhe!! Tujh Ko Bhi Taufeeq Hui?
Lab Pe Us Ke Naam Tha Tera, Jab Bhi Dard Shadeed Hua

Haan Us Ne Jhalak Dikhlayi, Ek Hi Pal Ko Dreeche Men
Jaano Ek Bijli Lahraayi, Aalam Ek Shaheed Hua

Tu Ne Hum Se Kalaam Bhi Chhora, Arz E Wafaa K Sunte Hi
Pahle Kaun Qareeb Tha Hum Se, Ab To Aur Ba’eed Hua

Duniya Ke Sab Karaj Chhore, Naam Pe Tere ‘Insha’ Ne
Aur Use Kya Thore Gham The? Tera Ishq Mazeed Hua

(Ibn E Insha)

Ab Hussan Ka Rutba...

Yahan Ujley Ujley Roop Bahot

Yahan Ujlay Ujlay Roop Bohat
Par Asli Kum Behrop Bohat,

Us Perh K Nechy Kia Rukna
Jahan Saya Kum Ho Dhup Bohat,

Chal Insha Apny Gaon Mai...

Bethen Gy Sukh Ki
Chaon Mai,

Kion Teri Aankh Swali Hy,
Yahan Hr Aik Baat Niraali Hy,

Is Des Basera Mat Krna
Yahan Mukhlis Hona Gaali Hy,

Chal Insha Apny Gaon Mai...

Jahan Sachy Rishte Yaron K
Jahan Ghonghat,
Zewar Naron K,

Jahan Jharny Komal Sur Waly
Jahan Saaz Bajèn Bin Taaron K,

Chal Insha Apny Gaon Mai.!