Ajab Pagal Si Larki Hai

Ajab Pagal Si Larki Hai
Mujhay Her Roz Kehti Hai
Batao Kuch Naya Likha?
Kabhi Is Say Yeh Kehta Hoon
K Main Nay Nazam Likhi Hai 
Magar Unwan Daina Hai
Bohat Baytab Hoti Hai
Woh Kehti Hai
Sunao
Main Issay Acha Sa Ik Unwan Daiti Hoon
Woh Meri Nazam Sunti Hai
Aur Iss Ki Bolti Ankhain
Kissi Missra, Kissi Tashbeeh Per Yunh Muskurati Hain 
Mujhay Lafzoon Say Kirnain Phoot’ti Mehsoos Hoti Hain
Woh Phir Iss Nazam Ko Acha Sa Ik Unwan Daiti Hai
Aur Is K Akhiri Missrey K Neechay
Ik Adaay Bay-Niyazi Say
Woh Apna Naam Likthi Hai
Main Kehta Hoon
Suno
Yeh Nazam Meri Hai
To Phir Tum Nay Appnay Naam Say Mansoob Ker Li Hai
Meri Yeh Baat Sun Kar Uss Ki Ankhain Muskurati Hain
Woh Kehti Hai Suno
Saada Sa Rishta Hai
Keh Jaisay Tum Meray Ho Is Terhan Yeh Nazam Meri Hai 
Ajab Pagal Si Larki Hai

Wo Kehti Hai..Mein Kehta Hoon

Wo Kehti Hay……
Batao Be Sabab Kion Rooth Jatay Ho?
Main Kehta Hoon…
Zara Mujh Ko Manaao…… .Acha Lagtaa Hay

Wo Kehti Hay
Mera Dil Tum Se Aakhir Kion Nahi Bhartaa?
Main Kehta Hoon….
Mohabat Ki Koi Hadd Hi Nahii Hotii….!

Wo Kehti Hay….
Batao…Main Tumhain Kion Bhaa Gayi Itna?
Main Kehta Hoon…
Merii jaan Hadsay To Ho Hii Jatay Hain!

Wo Kehti Hay…
Achanak Main Tumhain Yoon Hii Rulaa Doon Tu?
Main Kehta Hoon…
Mujhay Darr Hay K Tu Bhii Bheeg jaaye Gi…!

Wo Kehti Hay…
Batao..Baarishon Ki kiya Haqeeqat Hay?
Main Kehta Hoon…
K Yeh To Baadalon Ki Aankh Rotii Hay…!

Wo Kehti Hay…
Tumhaaray Khwaab Saaray Kion Adhooray Hain?
Main Kehta Hoon…
Merii Jaan Tum Inhain Takmeel De Do Na…!