Neenden Hamari Chura Gia Ek Shaksh

Mein Ne Us Se Kaha

Sab Se Chupa Kar Dard Jo Wo Muskara Dia

Sab Se Chupa Kar Dard Jo Wo Muskura Dia
Us Ki Hansi Ne To Aaj Mujhe Rula Dia

Lehje Se Uth Raha Tha Har Ek Dard Ka Dhuan
Chehra Bata Raha Tha K Kuch Ganwa Dia

Aawaz Mein Thehrao Tha Aankhon Mein Nami Thi
Or Keh Raha Tha Mein Ne Sab Kuch Bhula Dia

Janey Kia Us Ko Logon SE Thein Shikayatein
Tanhaiyon Ke Daes Mein Khud Ko Basa Dia

Khud Bhi Wo Hum Se Bicher Kar Adhura Sa Ho Gia
Mujh Ko Bhi Itney Logon Mein Tanha Bana Dia

Meri Dastan e Hasrat Wo Suna Suna Ke Roye

Meri dastan-e-Hasrat Wo Suna Suna Ke Roye…
Mere Azmane Wale Mujhe Aazma ke Roye….

Koi Asia Ahl-e-Dil Jo ke Fasana-e-Mohabbat…
Me Use Suna ke Ro’un, Wo Mujhe Suna Ke Roye…

Mere Arzoo Ki Dunya…Dil-e-Natwaan Ki Hasrat…
Jise Kho Ke Shadman The, Use Aaj Paa Ke Roye…

Teri Be-Wafayion Pe…Teri Kaj Adayion Pe..
Kabhi Sir Jhuka ke Roye..Kabhi Munh Chupa Ke Roye…

Jo Sunayi Anjuman Mein Shab-e-Gham Ki Aab-Beeti..
Kayi Ro Ke Muskuray…Kayi Muskura Ke Roye…!!!

Saif ud Din Saif