Ajib tarz-e-mulaqat ab k bar rahi | Parveen Shakir

tumhin the badle hue ya meri nigahen thin
tumhari nazron se lagta tha jaise meri bajaye
tumhare ghar main koi aur shakhs aya hai
tumhare ohad ki denen tumhen mubarak

so tum ne mera swagat usi tarah se kiya
jo afsaran-e-hukumat k aitaqad main hai
takallufan mere nazdik a k baith gaye
phir ehtamam se mausam ka zikr cher diya

kuch us k bad siyasat ki bat bhi nikli
adab par bhi koi do char tabsare faramaye
magar na tum ne hamesha ki tarah ye pucha
kya waqt kaisa guzarta hai tera jan-e-hayat

pahar din ki aziyat main kitni shiddat hai
ujar rat ki tanhai kya qayamat hai
shabon ki sust rawi ka tujhe bhi shikwa hai
gam-e-firaq k qisse nishat-e-wasl ka zikr
rawayatan hi sahi koi bat to karte

Urdu Poetry Is a expression of our feelings

Urdu Poetry Is a expression of our feelings

Urdu Poetry Is a expression of our feelings to others and we were say our feeling indirectly form urdu poetry to our beloved...  Some people who have never say directly that what he think in there minds but actually want to say so in that case they use urdu poetry for that...

So the point is that why we hear Urdu Poetry.... The answer is that Urdu Poetry Feels very nice and heart touching when we hear urdu poetry then we feels a change in ourselves you may also try this and tell me what can you feel? There are may Legend Poets in our country i recommend you to read and hear the urdu poetry of sagar siddiqui, ahmed faraz, parveen shakir, mirza ghalib and may more...

Kangan Baile Ka

Kangan Baile Ka 
Us Ne Mere Haath Mai Baandha
Ujla Kangan Baile Ka
Pehle Pyaar Se Thami Kalaai
Baad Us Ke Holey Holey Pehnaaya
Gehna Phoolon Ka
Phir Jhuk Kar Haath Ko Choom Liya!
Phool To Aakhir Phool Hi The
Murjhaa Hi Gaye
Lekin Meri Raatein Un Ki Khushboo Se Ab Tak Roshan Hain
Baanhon Par Wo Lams Abhi Tak Taza Hai
(Shaakh-E-Sanobar Par Ik Chand Damakta Hai!)
Phool Ka Gehna
Prem Ka Kangan
Pyaar Ka Bandhan
Ab Tak Mere Yaad Ke Haath Lipta Hua Hai!

(Parveen Shakir)

Toti Hai Meri Neend Mgar Tum Ko Es Sy Kya

Toti Hai Meri Neend Mgar Tum Ko Es Sy Kya
Bajty Rahein Hawaoon Say Dar Tum Ko Es Sy Kya

Tum Moj Moj Misl-E-Saba Ghoomty Raho
Kat Jaen Meri Soch K Par, Tum Ko Es Sy Kya

Oron Ka Hath Thamo, Unhen Rasta Dikhao
Mein Bhul Jaoon Apna Hi Ghar, Tum Ko Es Sy Kya

Lay Jaein Mujhay Mal-E-Ganeemat K Sath Adouu
Tum Nay To Daal Di Hai Sapar, Tum Ko Es Sy Kya

Tum Nay To Thak K Dasht Mein Khaimay Laga Liyee
Tanha Kattay Kisi Ka Safar,Tum Ko Es Sy Kya..!!!

Tum Mujhko Gurriya Kehte Ho

Tum Mujhko Gurriya Kehte Ho,
Theek He Kehte Ho,
Khelnay Walay Sab Hathoan Ko

Mein Gurriya He Lagti Hun,
Jo Pehna Do,Mujh Pe Sujayga,
Mera Koi Rang Nahin,
Jis Buchay K Hath Thuma Do,
Meri Kisi Se Jang Nahin,
Soati Jagti Aankhain Meri,
Jub Chahay Beenaee Le Lo,
Koook Bharo Aur Batain Sun Lo,
Ya Meri Goyaaee Le Lo,
Maang Bharo Senduur Lagao,
Pyar Karo ,Aankhoan Mein Basao,
Aur Phir Jub Dil Bhar Jaaiy Tau,
Dil Se Utha K Taaq Pe Rakh Do

Tum Mujh Ko Gurriya Kehte Ho,
Theek He Kehtay Ho

Parvin Shakir

Khuli Aankh Mein Sapna Jhaankta Hai

Khuli Aankh Mein Sapna Jhaankta Hai 
Wo Soya Hai Ke Kuch Kuch Jaagta Hai 

Teri Chahat Ke Bheege Junglon Mein 
Mera Tan, More Ban Kar Naachta Hai 

Mujhe Har Kaifiyat Mein Kyun Na Samjhe 
Wo Mere Sab Hawale Jaanta Hai 

Main Uski Dastaras Mein Hon, Magar Wo 
Mujhe Meri Raza Se Maangta Hai 

Kisi Ke Dhyaan Mein Dooba Hua Dil 
Bahane Se Mujhe Bhi Taalta Hai

Poet : Parveen Shakir

Sabz Madham Roshni Mein Surkh Anchal Ki Dhanak

Sabz Madham Roshni Mein Surkh Anchal Ki Dhanak 
Sard Kamare Mein Machlti Garm Sanson Ki Mahak 

Bazuon Ke Sakht Halqe Mein Koi Nazuk Badan 
Silvatein Malbuus Par Anchal Bhi Kuch Dhlka Hua 

Garmi-E-Rukhsaar Se Dahaki Hui Thandi Hava
Narm Zulfon Se Mulayam Ungliyon Ki Cher-Chaar

Surkh Honthon Par Shararat Ke Kisi Lamhen Ka Aks 
Reshmi Bahon Mein Churi Ki Kabhi Madham Dhanak 

Sharmagin Lahajon Mein Dhire Se Kabhi Chahat Ki Bat
Do Dilon Ki Dharkanon Mein Gunjti Thi Ek Sada 

Kanpate Honthon Pe Thi Allah Se Sirf Ek Dua 
Kash Ye Lamhe Thahar Jaayein Thahar Jaayein Zara

Perveen Shakir

Bura Na Man Agr Tujh Ko Pyar Krti Hoon

Bura Na Man Agr "Tujh Ko Pyar Krti Hu"

Gunah Kon Sa Aisa "Main Yr Krti Hu"

Meri Khataon Main Meri Samjh Ka "Nhi Koi Dakhl"

Main Jo Bhi Krti Hu "Be-Ikhtyar Krti Hu"

Tu Ktne Pyar K Qabil Hy "Kya Khabar Mujh Ko"

K Main To Jitna B Mumkin "Hai Pyar Krti Hun"

Woh Ghair Ho Ya Sajan "Koi B Ho Mgr Us Sy"

Main Tera Tazkra "Dewana War Krti Hun"

KHUDA Ki Duniya Sy Itni "Mohabt Nhi Hai Shayed"

KHUDA K Ek Bandy Ko Main "Jitna Pyar Krti Hun

‎( Parveen Shakir )

Mushkil hai ab shahar mein nikale koi ghar se

Mushkil hai ab shahar mein nikale koi ghar se
dastaar pe baat aa gai hai hoti hui sar se

Barsaa bhi to kis dasht ke be-faiz badan par
ik umr mere kheit the jis abr ko tarse

Is baar jo eindhan ke liye kat ke giraa hai
chiriyon ko barra pyaar thaa us buurhe shajar se

Mehanat meri aandhi se to manasub nahin thi
rahnaa tha koi rabt shajar ka bhi samar se

Khud apne se milane ka to yaarana tha mujh mein
main bhir mein gum ho gai tanhaai ke Dar se

Benaam musaafat hi muqaddar hai to kyaa Gham
manzil ka ta'yyun kabhi hotaa hai safar se

Patthrayaa hai dil yun ki koi talism parhaa jaaye
ye shahar nikaltaa nahin jaadu ke asar se

Nikale hain to raste mein kahin shaam bhi hogi
suuraj bhi magar aayegaa is raah-guzar se

(Parveen Shakir)

Barish......

Chehra Mera Tha

Aaj Ki Shab To Kisi Tor Guzar Jae Gi

Bichra Hai to Ek Bar to Miltey Nahin Dekha

Tooti Hai Meri Nend