Qissa Abhi Hijjab Se Aagay Nahi Barha

Qissa Abhi Hijjab Se Aagay Nahi Barha
Mein Aap, Woh, Janab Se Aagay Nahi Barha

Muddat Hui Kitab-e-Mohabbat Shurru Kiye
Lekin Mein Pehle Baab Se Aagay Nahi Barha

Lambi Musawatein hein Magar Iss Sawar Ka
Paaon Abhi Raqaab Se Aagay Nahi Barha

Tool-e-Kalam Kay Liye Mein Ne Kiye Sawal
Woh Mukhtassar Jawab Se Aagay nahi Barha

Rukhsaar Ka Pata Nahi Aankhen To Khob hein
Darshan Abhi Naqaab Se Agay Nahi Barha

Woh Lazat-e-Gunnah Se Mehroom Hee Raha
Jo Khuwahish-e-Sawab Se Aagay Nahi Barha

Qissa Abhi Hijab Se Aage Nahin Barha

Qissa Abhi Hijab Se Aage Nahin Barha,
Main Aap, Wo Janab Se Aage Nahin Barha..
Muddat Hui Kitab-e-Mohabat Shuroo Kiye,
Lekin Main Pehle Baab Se Aage Nahin Barha..
Lambhi Musaftain Hain Magar Is Sawaar Ka,
Paaon Abhi Rakaab Se Aage Nahin Barha..
Logon Ne Sang-o-Khasht K Qiley Bna Liye,
Apna Mehal To Khwab Se Aage Nahin Barha..
Tool-e-Kalaam K Liye Maine Kiye Sawal,
Wo Mukhtasar Jawab Se Aage Nahin Barha..
Rukhsar Ka Pata Nahin, Ankhain To Khoob Hain,
Deedar Abhi Naqaab Se Aage Nahin Barha..
Wo Lazzat-e-Gunah Se Mehroom Reh Gaya,
Jo Khwahish-e-Sawab Se Aage Nahin Barha.