Barish Ki Tez Bonden...

Barish ki taiz boodon ne jab dastak di darwazey per
Mehsoos huwa tum aaye ho andaz tumhare jesa tha
Hawa k halkey jhonkon ki jab aahat hui khirki per
Mehsoos huwa tum aaye ho andaz tumhare jesa tha
Main tanha chala jab barish mein Ik jhonkey ne mera sath diya
Main samjha tum ho sath mere ehsas tumhare jesa tha
Phir ruk gai woh barish bhi rahi na baqi aahat bhi
Main samjha mujhe tum chor gaye andaz tumhare jesa tha..

Andaz Hu Baa Hu Teri Awaz e Paa Ka Tha

Andaz Hu Baa Hu Teri Awaz e Paa Ka Tha

Dekha Nikal Ke Ghar Se To Jhonka Hawa Ka Tha,

Utha Ajab Tazzad Se Insan Ka Zameer

Aadi Fana Ka Tha To Pujari Baqa Ka Tha,

Is Rishta e Lateef Ke Israr Kia Khulen

Tu Samney Tha Aor Tasswur Khuda Ka Tha,

Toota To Kitney Aina Khanon Pe Zad Pari

Atka Hua Galey Mein Jo Pather Sada Ka Tha,

Chhup Chhup Ke Roan Aor Sar E Anjuman Hanson

Mujh Ko Ye Mashwara Mere Dard Aashna Ka Tha,

Dil Rakh Ho Chuka To Chamak Aor Barh Gai

Ye Teri Yaad Thi Ke Amal Keemia Ka Tha,

Is Hussan E Itefaq Pe Lut Kar Bhi Shad Hoon

Teri Raza Jo Thi Wo Taqaza Wafa Ka Tha,

Hairan Hoon Ke War Se Kaise Bacha Nadeem

Wo Shakhs To Ghareeb O Ghaioor Inteha Ka Tha

Ahmed Nadeem Qasimi