Yon Lage Dost Tera Mujhse Khafa Ho Jana

yon lage dost tera mujhse khafa ho jana
jis tarah phul se khushbu ka juda ho jana

ahl-e-dil se ye tera tark-e-ta'alluq
waqt se pahle asiron ka riha ho jana

yon agar ho to jahan mein koi kafir na rahe
mojza tere wade ka wafa ho jana

zindagi main bhi chalunga tere piche-piche
tu mere dost ka naqsh-e-kaf-e-pa ho jana

jane wo kaun si kaifiyat-e-gamkhwari hai
mere pite hi "Qateel" us ko nasha ho jana

(Qateel Shifai)

Wo Samne Aye to Nazron Ko Jhuka Loon Ga

Wo Samne Aye To Nazron Ko Jhukaa Loon Ga

Dekhoon Ga Nahi Phir Bhi Tasveer Bana Loon Ga

Aana Ho To Aa Jao Ruswayee Nahi Hogi

Dekhega Nahi Koi Palkon Main Chupa Loon Ga

Jo Hum Per Guzarni Hai Ek Baar Guzar Jaye

Her Gham Ki Tarha Tujh Ko Seene Se Laga Longa

Weeran Ager Dil Ho Aankhon Main Andhera Ho

Yaadon Ke Diye Apni Palkon Mai Saja Loon Ga

Manzoor Ager Hogi Ruswayi Teri Mujh Ko

Mai Beth Ke Sahil Se Toofan Utha Loon Ga

Naraz Ager Wo Hen Mere Nasheman Se

Mai Apne Nasheman Ko Ke Tinkon Ko Hata Loon Ga

Kyun Mujh Se Khafa Ho Ker Wo Door Gaye

Baanhon Mai Wo Aa Jaye Mai Un Ko Mana Loon Ga