Jab Aankh Men Kuch Khak Si Urti Nazr Aayi

Jab Aankh Men Kuch Khak Si Urti Nazr Aayi..!
Samjhe Sabhi Khush Fehm K Had-E-Safar Aayi..!

Ek Umr To Jaage Thay K Chhut Jaae Andhera..!
Pal Bhar Ko Lagi Aankh To Milne Ko Sahar Aayi..!

Maine To Warak Par Abhi Likhne Thay Kayi Naam..!
Dhundli Si Yeh Tasweer Kahan Se Nazar Aayi..!

Dil Men Hai Ajab Sa'at-E-No Roz Ka Aalam..!
Bhooli Hui Ek Yaad Sar-E-Shaam Ghar Aayi..!

Shayad Isse Kehte Hen Tammana Ki Talaafi..!
Honto'n Pe Tabassum Tha K Aankh Bhar Aayi..!

Palko'n Pe Na Aansu Na Sitaare Na Chragha'n..!
To Aaj Shab-E-Hijjr Meri Jaan Kidhar Aayi..!

Usne Bhi Kiya Raah Badalne Ka Eraada..!
Sad Shukr Mohabbat Bhi Kisi Mor Pe Aayi..!

Ik Rahat-E-Aizaaz Saji Teri Jabeen Par..!
Ik Tohmat-E-Peham Thi K "Mohsin" K Sar Aayi..!!
(Mohsin Naqvi)....!!

Wo Samne Aye to Nazron Ko Jhuka Loon Ga

Wo Samne Aye To Nazron Ko Jhukaa Loon Ga

Dekhoon Ga Nahi Phir Bhi Tasveer Bana Loon Ga

Aana Ho To Aa Jao Ruswayee Nahi Hogi

Dekhega Nahi Koi Palkon Main Chupa Loon Ga

Jo Hum Per Guzarni Hai Ek Baar Guzar Jaye

Her Gham Ki Tarha Tujh Ko Seene Se Laga Longa

Weeran Ager Dil Ho Aankhon Main Andhera Ho

Yaadon Ke Diye Apni Palkon Mai Saja Loon Ga

Manzoor Ager Hogi Ruswayi Teri Mujh Ko

Mai Beth Ke Sahil Se Toofan Utha Loon Ga

Naraz Ager Wo Hen Mere Nasheman Se

Mai Apne Nasheman Ko Ke Tinkon Ko Hata Loon Ga

Kyun Mujh Se Khafa Ho Ker Wo Door Gaye

Baanhon Mai Wo Aa Jaye Mai Un Ko Mana Loon Ga

Dil e Hazen Ko Mohabbat Ke Jaal Mein Rakha