Maskan-E-Maah-O-Saal Chhor Gayaa

Maskan-E-Maah-O-Saal Chhor Gayaa
Dil Ko Us Kaa Khayaal Chhor Gayaa

Taazah-Dam Jism-O-Jaan The Furqat Main
Wasl Us Kaa Nidhaal Chhor Gayaa

Ahd-E-Maazii Jo Thaa Ajab Purhaal
Aik Viraan Haal Chhor Gayaa

Zaala-Baari Ke Marhalon Kaa Safar
Qaafila, Paayemaal Chhor Gayaa

Dil Ko Ab Ye Bhi Yaad Ho K Na Ho
Kaun Thaa , Kyaa Malaal Chhor Gayaa

Main Bhi Ab Khud Sy Hun Jawab-Talab
Wo Mujhe By-Sawaal Chhor Gayaa

Jaun Elia

Dil Mera Ek Kitab Ki Surat

Dil Mera Ek Kitab Ki Surat
Jis Mein Wo Hai Ek Gulab Ki Surat
Hum Se Pocho Ke Hum Guzar Aae
Zindagi Ko Aazab Ki Surat
Husan Kachey Gharey Ka Shaidai Tha
Ishq Mouj e Chanab Ki Surat
Ishq Mein Is Tarah Nahi Hota
Ye Nahi Hai Nisab Ki Surat
Mein Kari Dopaher Ki Tanhai
Wo Shab e Mahtab Ki Surat
Pochta Hai Ke Meri Ghazlon Mein
Kon Hai Iztarab Ki Surat
Mein Wafa Ki Wohi Purani Kitab
Wo Nae Intesab Ki Surat
Jo Nahi Kar Sakey, Kabhi Wo Sawal
Us Ne Likha Hai Jawab Ki Surat

Noshi Gillani

Tu Ne Lafz Bheje Hain

Tu Ne Lafz Bheje Hain Bemisal Bheje Hain
Jo Guzar Baithey wo Mah O Sal bheje Hain
Tere bheje teeron ka mein akela waris hoon
Tu ne jaise bheje hain, kamal bheje hain
Ye bhi tum ne likha hai ume ko ganwa doon mein
Kia jawab doon in ka, kia sawal bheje hain
Tum ne haal poocha hai mere dill ki dozakh ka
Chubh rahe hain jo dil mein, wo sawal bheje hain
Teri sari baton ka ek jawab hai jaanan
Tu ne gham k Pardey mein kia wabal bheje hain
Tere karwey lafzon ka kia jawab doon Sabir
Sur Nahin jin mein aisey taal bheje hain