Larkian Bewafa Nahi Hoten

Larkian Bewafa Nahi Hoten
Wo To Majborioon Main Lipti Hain
Apney Shiddat Bharey Khyaloon Main
Apney Ander Chhupi Ek Aurat Main
Wo Hamesha Hi Darti Rehti Hain
Na To Jeeti Hain Na To Marti Hain
Larkiyaan Bewafaa Nahi Hoti
Per Hamesha Hi Darti Rehti Hain
Apne Reeti Or Rawajoon Se
Any Waley Naye Azaboon Se
Zardurat Main Khily Ghulaboon Se
Pyaar Kerti Hain Or Chhupati Hain
Larkiyaan Bewafaa Nahi Hot
Kyuon Ki Majborioon Main Lepti Hain
Or Her Lamha Darti Rehti Hain
Apney Pyaar Se Apney Saye Se
Apney Rishton Se Dil Ki Dharkan Se
Apni Khowahish Se Apni Kushioon Se
Larkiyaan Bewafaa Nahi Hoti !!!

Ke Ye Mohabbat Hai...

Mere Khial Ko Nisbat Hui Madeene Se

Kuch Ishq Tha Kuch Majboori Thi

Kuch Ishq Tha Kuch Majboori Thi So Mein Ne Jewan War Dia

Mein Kaisa Zinda Aadmi Tha Ek Shakhs Ne Mujh Ko Maar Dia,

Ek Sabz Shakh Gulab Ki Thi Ek Dunya Apney Khawab Ki Thi

Wo Ek Bahar Jo Aai Nahi Us Ke Laye Sab Kuch Haar Dia,

Ye Saja Sajjia Ghar Sathi Meri Zaat Nahi Mera Haal Nahi

Ae Kash..! Kabhi Tum Jan Sako Is Sukh Ne Jo Aazar Dia,

Mein Khuli Hui Ek Sachai, Mujhe Jan'naney Waley Jantey Hain

Mein Ne Kin Logon Se Nafrat Ki Aor Kin Logon Ko Piar Dia,

Wo Ishq Bahot Mushkil Tha Magar Aasan Na Tha Youn Jeena Bhi

Is Ishq Ne Zinda Rehney Ka Mujhe Zarf Dia, Pindar Dia..

Ubaid Ullah Aaleem

Jo Khayal They Na Qayas They Wohi Log Mujh Se Bichar Gaye

Jo khial they na qayas they wohi log mujh se bichar gaye
jo mohabbaton ki asas they wohi log mujh sey bichar gaye

Jinhain maanta hi nahi ye dil wohi log merey hain hamsafar
mujhey har trah se jo raas they wohi log mujh sey bichar gaye

Mujhe lamha bhar ki rifaqaton ke saraab bohat satayen gey
meri umr bher ki jo pias they wohi log mujh sey bichar gaye

Ye jaal sarey hain aarzi ye gulaab sarey hain kaghzi
gul-e-arzoo ki jo baas they wohi log mujh sey bichar gaye

Jinhain ker saka na Qabool mein wohi shareek-e-raah safer huey
jo meri talab meri aass they wohi log mujh sey bichar gaye

Meri dharkanon ke Qareeb they meri chah they mera khuaab they
wo jo roz-o-shab merey pass they wohi log mujh sey bichar gaye


Aitbar Sajid

Dil Mera Ek Kitab Ki Surat

Dil Mera Ek Kitab Ki Surat
Jis Mein Wo Hai Ek Gulab Ki Surat
Hum Se Pocho Ke Hum Guzar Aae
Zindagi Ko Aazab Ki Surat
Husan Kachey Gharey Ka Shaidai Tha
Ishq Mouj e Chanab Ki Surat
Ishq Mein Is Tarah Nahi Hota
Ye Nahi Hai Nisab Ki Surat
Mein Kari Dopaher Ki Tanhai
Wo Shab e Mahtab Ki Surat
Pochta Hai Ke Meri Ghazlon Mein
Kon Hai Iztarab Ki Surat
Mein Wafa Ki Wohi Purani Kitab
Wo Nae Intesab Ki Surat
Jo Nahi Kar Sakey, Kabhi Wo Sawal
Us Ne Likha Hai Jawab Ki Surat

Noshi Gillani

Hum Ne Soch Rakha Hai

Guzar Gia So Guzar Gia

Hama Waqt Ranj o Mala Kia, Jo Guzar Gia So Guzar Gia
Usey Yad Kar K Na Dil Dukha, Jo Guzar Gia So Guzar Gia
Na Gilla Kia Na Khafa Hue Yonhi Rastey Mein Fidda Hue
Na Tu Bewafa Na Mein Bewafa, Jo Guzar Gia So Guzar Gia
Wo Ghazal Ki Ek Kitab Tha, Wo Gulon Ek Gulab Tha
Zara Der Ka Koi Khawab Tha, Jo Guzar Gia So Guzar Gia
Mujhe Pat Jharon Ki Kahania Na Suna Suna Ke Udas Kar
Tu Khazan Ka Phool Hai Muskara, Jo Guzar Gia So Guzar Gia

Guzar Gia So Guzar Gia