Aseer-E-Dasht-E-Wafa Ka Na Maajra Kehna

Aseer-E-Dasht-E-Wafa Ka Na Maajra Kehna
Tamaam Pochnay Walon Ko Bas Dua Kehna..

Ye Kehna K Raat Guzarti Hai Ab Bhi Aankhon Mein
Tumhari Yaad Ka Qaaim Hain Silsila Kehna..

Ye Kehna K Chaand Nikalta Hai Baam Par Ab Bhi
Magr Nahi Wo Shab Ka Ab Maza Kehna..

Ye Kehna K Hum Ne Hi Toofan Mein Daal Di Kashti
Kasoor Apna Hai Darya Ko Kya Bura Kehna..

Ye Kehna K Tum Se Bicher K Bikhar Gaya NASIR..!!
K Jaisy Haath Se Gir Jaye Aaina Kehna...