Ye Aankh Ronay Ki Shiddat Se Laal Thori Hai

Ye Aankh Ronay Ki Shiddat Se Laal Thori Hai
Malal Hai Magar Itna Malal Thori Hai
Bas Apnay Waastay He Fikar Mand Hain Sab Log
Yahan Kisi Ko Kisi Ka Khayal Thori Hai
Paron Ko Kaat Dia Hai Urraan Sepehlay
Ye Khauf-E-Hijr Hai
Shoaq-E-Wisaal Thori Hai
Maza To Jab Hai K Haar K B Hanstay Raho
Hamesha Jeet Hi Jana Kamaal Thori Hai
Lagana Parti Hy Dubki Ubharne Se Pehlay
Gharoob Honay Ka Matlab Zawaal Thorri Hai'

Kabhi Jo Cher Gayee Yaad-E-Raftagaan Mohsin

Kabhi Jo Cher Gayee Yaad-E-Raftagaan Mohsin

Bikhar Gayee Hain Nigaahen Kahaan Kahaan Mohsin

Hawa Ne Raakh Urraaii To Dil Ko Yaad Aayaa

K Jal Bujheen Mere Khaabon Ki Bastiyaan Mohsin

Kuch Aaise Ghar Bhi Miley Jin Men Ghoongaton K Iwaz

Hui Hain Dafn Dopatton Men Larrkiyaan Mohsin

Khandar Hai Ahd-E-Guzishta Na Chhu Na Chher Isay

Khulen To Band Na Hon Is Ki Khirrkiyaan Mohsin

Bujha Hai Kaun Sitaaraa K Apni Aankh K Saath

Huey Hain Saare Manaazir Dhuaan Dhuaan Mohsin

Nahi K Us Ne Ganwaaye Hain Maah O Saal Apne

Tamaam Umr Kati Yuun Bhi Raaegaan Mohsin

Mila To Aur Bhi Taqseem Kar Gaya Mujh Ko

Sameitna Theen Jisay Meri Kirchiyaan Mohsin

Kahin Se Us Ne Bhi Tora Hai Khud Se Rabt-E-Wafa

Kahin Se Bhool Gaya Main Bhi Daastaan Mohsin

Har Taraf Mohabbat Hai...

Hawa Tum Janti Ho Sab

Her Nafas Dard Ke Sanchey Mein Dhalla Ho Jaise

Aaj Phir Kitni Udasi Thee...........Dastak

Mohabbat Naam Hai Mera...

Mohabbat naam hay mera"

"Agar Chaho Gy Tum Mujh Ko"

Tumahri sans se pehly
Tumhari jan ban jaon

"Ager Dekho Gy Tum Mujh Ko"

Tumhari ankh se pehly
Tumhary khuwab ban jaon

"Agar Socho Gy Tum Mujh Ko"

Tumhary Paon Se pehly
Tumhari rah ban jaon

"Mohabbat Naam Hai Mera.
Mujhe TUM Soch k Dekho............

Kuch Din TO Baso Meri Aankhon Mein

kuch din to baso meri ankhon main
phir khwab agar ho jao to kya

koi rang to do mere chehre ko
phir zakhm agar mahkao to kya

ik aina tha so tut gaya
ab khud se agar sharmao to kya

main tanha tha main tanha hun
tum ao to kya na ao to kya

jab ham hi na mahak phir sahib
tum bad-e-saba kahlao to kya

jab dekhne wala koi nahin
bujh jao to kya jal jao to kya

Barey Anjan Mousam Mein

baray anjaan mousam main
bohot berang lamhon main,
bina aahat bina dastak
bohot masoom sa sapna
utar aaya hay aankho main
bina soochey bina samjhay,
kaha hay dil ne chupke se,
haan is masoom sapnay ko,
aankho main jagha de do!
bina roke bina bole
jhuka diya hay sar hum ne!
magar tabeer kya hogi,
ye hum janey na dil janey
bus maloom hay itna...
k dil k faislay aksar
"humain kam raas aaye hain

Aankh Aankh Jab Sehra Phailta Nazar Atta Hai

Marne ka Tere Gham Mein

Marne ka Tere Gham Mein Irada Bhi Nahin Hai
Hai Ishq Magar, Itna Ziyada Bhi Nahin Hai

Hai Yun Ke Ibadat Ki Zaban Aur Hai Ko’ii
Kaghaz Meri Taqdeer Ka Sada Bhi Nahin Hai

Kyun Dekhte Rehte Hain Sitaron Ki Taraf Hum
Jab Un Se Mulaqat Ka Wada Bhi Nahin Hai

kyun Rah Ke Manzar Mein Ulajh Jaati Hain Aankhen
Jab Dil Mein Ko’i Aur Irada Bhi Nahin Hai

Kyun Uski Taraf Dekh K Paon Nahin Uthtey
Wo Shakhs Haseen Itna Ziyada Bhi Nahin Hai

Kis Mor Pe Le Aaya Hamen Hijr-e-musalsal
Taa Had- e-Nigah Wisal Ka Wada Bhi Nahin Hai

Pathar ki Tarah Sard Hai Kyun Aankh Kisi Ki
Amjad jo bicharne Ka Iradah Bhi Nahin Hai

Mujhe Apne Zabt Pe Naaz Tha

Mujhe Apne Zabt Pe Naz Tha, Sar e Bazm Raat Ye Kya Hua
Meri Aankh Kaise Chhalak Gayi Mujhe Ranj Hai Ye Bura Hua
Meri Zindagi Ke Charagh Ka Ye Andaz Koi Naya Nahin
Kabhi Raushni, Kabhi Teergi, Kabhi Jalaa Hua Kabhi Bujha Hua
Mujhe Raste Mein Para Hua Kisi Bad Naseeb Ka Khat Mila
Kahin Khoon-E-Dil Se Likha Hua, Kahin Aansuon Se Mita Hua
Jo Nazar Bacha Ke Guzar Gaye, Mere Saamne Se Abhi Abhi
Ye Mere Sheher Hi Ke Log They Mere Ghar Se Ghar Mila Hua
Mujhe Humsafar Bhi Mila Koi, To Shikasta Hal Meri Tarah
Kahin Raston Ka Lutaa Hua Kahin Manzilon Ka Thaka Hua

Hum Ne Soch Rakha Hai