Apni Ruswai Tere Nam Ka Charcha Dekhun

Apni Ruswai Tere Nam Ka Charcha Dekhun
Ek Zara Sher Kahun Aur Main Kya Kya Dekhun

Nind A Jaye To Kya Mahfilen Barpa Dekhun
Ankh Khul Jaye To Tanhai Ka Sahra Dekhun

Sham Bhi Ho Gai Dhundhala Gai Ankhen Bhi Meri
Bhulnewale Main Kab Tak Tera Rasta Dekhun

Sab Ziden Us Ki Main Puri Karun Har Bat Sunun
Ek Bache Ki Tarah Se Use Hansta Dekhun

Mujh Pe Cha Jaye Wo Barsat Ki Khushbu Ki Tarah
Ang Ang Apna Usi Rut Main Mahakta Dekhun

Tu Meri Tarah Se Yakta Hai Magar Mere Habib
Ji Main Ata Hai Koi Aur Bhi Tujh Sa Dekhun

Main Ne Jis Lamhe Ko Puja Hai Use Bas Ek Bar
Khwab Ban Kar Teri Ankhon Main Utarta Dekhun

Tu Mera Kuch Nahin Lagta Hai Magar Jan-E-Hayat
Jane Kyon Tere Liye Dil Ko Dharakta Dekhun

NA WAJOOD APNA, NA ROOH APNI

Na wajood apna, na rooh apni

Bas ik tamasha yeh zeest thehri

Na dil lagi main sakoon paya

Na aashqi main qarar paya

Na wasl lamhay hi raas aaye

Na firaaq hi ghum guzaar paaye

Ajab yeh chahat k marhalay hain

Na jeet paaye na haar paaye

Na hi yaadon ki dhund utri

Na dil k daaman ko jhaar paaye

Na aankhain khawabon ko dhoond paaien,

Na khawab aankhon ko dhoond paay'"

Mera Har Lafz Rota Hai......!!!!

Yehi wada liya tha na,
Hamesha khush hi rahna hai,
Lo dekho! dekh lo a k,
Meri ankhon ko dekho tum,
Ye kitni shokh lagti hain,
Mere honton ko dekho tum,
Hamesha muskuratay hain,
Koi b gham agar aya,
Use hans kar saha main ne,
Mere chahre ko dekho tum,
Hamesha pursakoon hoga,
Kia tha main nay jo tum se,
Wo wada kar dia pura,
Magar i...k baat hai pyaray,
Kabhi jo waqt mil jae,
To meri shayari parhna,
Tumhain mehsos to hoga,
Kahin talkhi bhara lehja,
kahe pe sard sa lehja,
kahe dard ki jheelain,
kahe pe lehje ki karwahat,
sunu!
Main khush tu hn lakin,

MERA HER LAFZ ROTA HY. .