Musalsal Bekali Dil Ko Rahi Hai

Musalsal Bekali Dil Ko Rahi Hai
Magar Jine Ki Surat To Rahi Hai

Main Kyun Phirta Hun Tanha Mara Mara
Ye Basti Chain Se Kyon So Rahi Hai

Chal Dil Se Ummidon K Musafir
Ye Nagari Aj Khali Ho Rahi Hai

Na Samjho Tum Ise Shor-E-Baharan
Khizan Patton Main Chup K Ro Rahi Hai

Hamare Ghar Ki Diwaron Pe 'Nasir'
Udasi Bal Khole So Rahi Hai

Aankho Mein Raha Dil Mein Utar Kar

Aankho Main Raha Dil Main Utar Kar Nahi Dekha
Kashti K Musafir Ne Samunder Nahi Dekha,

Be Waqt Agar Jaaon Ga Sab Chonk Parenge
Ek Umar Howi Din Main Kabhi Ghar Nahi Dekha,

Jsi Din Se Chala Hoon Meri Manzil Pe Nazar Hai
Aankho Ne Kabhi Mail Ka Ka Pathar Nahi Dekha,

Yeh Phool Mujhe Waraasat Main Mile Hain
Tum Ne Mera Kaanton Bhara Bistar Nahi Dekha,

Yaroon Ki Muhabat Ka Yaqeen Kar Liya Maine
Phoolon Main Chopa Howa Khanjar Nahi Dekha,

Mehboob ka Ghar Ho K Bazurgo Ki Zameen
Jo Chor Diya, Pher Use Mur Kar Nahi Dekha,

Khat Aysa Likha K Naghene Se Jare Hain
In Hatho Ne Laykin Koi Zewar nahi Dekha,

Patahr Mujhe Kehta Hai Mera Chahne Wala
Main Mom Hoon Us Ne Mujhe Chu kar Nahi Dekha,

Woh Mere Masail Ko Samjh Hi Nahi Sakta
Jis Ne Meri Aankhon Ka Samundar Nahi Dekha.

Koun Kehta Hai Ke Mout Aai To Mar Jaon Ga...!

 Koun Kehta Hai Ke Mout Aai To Mar Jaon Ga...!
Mein To Darya Hoon, Samandar Mein Utar Jaon Ga

Tere Pehloo Se Jo Uthoon Ga To Mushkil Ye Hai
Sirf Ek Shakhs Ko Paon Ga...Jidher Jaon Ga..

Ab Tere Shaher Mein Aaon Ga Musafir Ki Tarah
Saya e Abar Ki Manind Guzar Jaon Ga

Tera Paiman e Wafa Rah Ki Diwar Bana
Warna Socha Tha Ke Jab Chahon Ga, Mar Jaon Ga

Chara Sazon Se Alag Hai Mera Meiar Ke Mein
Zakham Khaon Ga To Kuch Aor Sanwar Jaon Ga

Ab To Khursheed Ko Doobey Huey Sadian Guzaren
Ab Usey Dhoondney Mein Ta Ba Sahar Jaon Ga

Zindagi Shama Ki Manind Jalata Hoon Nadeem
Bujh To Jaon Ga Magar Subha To Kar Jaon Ga

Ahmed Nadeem Qasimi

Hasrat e Deed Ko Tarsa Ke Chala Jaon Ga

Hasrat e Deed Ko Tarsa Ke Chala Jaon Ga
Teri Ulfat Ki Qasam Kha K chala Jaon Ga
Ek Nazar Door Se Dekhon Ga Bam O Dar Tere
Deeda e Shouq Ko Tarpa Ke Chala Jaon Ga
Ek Barsey Huey Badal Ki Tarah Guzra Hoon
Mouj Mein Aaya To Lehra Ke Chala Jaon Ga
Raat Ki Raat Musafir Hoon Teri Basti Mein
Shab Ka Tara Hoon, Nazar Aa Ke Chala Jaon Ga

Saif ud Din Saif