Dil Ke Armano Ko Aankhon Se Samjhayein Kaise

Dil Ke Armano Ko Aankhon Se Samjhayein Kaise,
Mushkil Hai Hal-E-Dil Unhe Sunayein Kaise.
Unki Chahat Hai Hamein Unko Ye Batayein Kaise,
Jamane Ki Majburiyon Se Baaj Aayeinkaise.
Kashti Hai Beech Samandar Mein Bachayein Kaise,
Aandhiyon Mein Diya Ishq Ka Jalayein Kaise.
Sehara Me Aagaye Hain Gulshan Ki Talash Mein,
Baharon Ko Tere Ghar Ka Pata Batayein Kaise.
Hum Tanha Nahi Deewano Ke Sahar Mein Aadin,
Zakhm Kitne Mile Hain Kisi Ko Dikhayein Kaise.

Gham-naak Samandar Mai Kinare Na Bichartey

Gham-naak Samandar Mai Kinare Na Bichartey

Tum Bichrey The Yaadon Ke Sahare Na Bichartey 

Mai Teri Judai Ka Sitm Jhail Hi Leta

Us Raat Agar Chand Sitare Na Bichartey

Ik Doojey Se Kuch Dard Ki Taqseem To Rehti

Jeewan Mai Agar Dard Ke Maare Na Bichartey

Har Rang Mai Hai Illat-o-Maalool Zaroori

Ankhen Na Bicharteen To Nazare Na Bichartey

Issi Torr Se Yaadon Ki Bhi Surat Nikal Aati

Hum Bhool Gaye Hote Jo Pyaare Na Bichartey

(Farhat Abbas Shah)

Koun Kehta Hai Ke Mout Aai To Mar Jaon Ga...!

 Koun Kehta Hai Ke Mout Aai To Mar Jaon Ga...!
Mein To Darya Hoon, Samandar Mein Utar Jaon Ga

Tere Pehloo Se Jo Uthoon Ga To Mushkil Ye Hai
Sirf Ek Shakhs Ko Paon Ga...Jidher Jaon Ga..

Ab Tere Shaher Mein Aaon Ga Musafir Ki Tarah
Saya e Abar Ki Manind Guzar Jaon Ga

Tera Paiman e Wafa Rah Ki Diwar Bana
Warna Socha Tha Ke Jab Chahon Ga, Mar Jaon Ga

Chara Sazon Se Alag Hai Mera Meiar Ke Mein
Zakham Khaon Ga To Kuch Aor Sanwar Jaon Ga

Ab To Khursheed Ko Doobey Huey Sadian Guzaren
Ab Usey Dhoondney Mein Ta Ba Sahar Jaon Ga

Zindagi Shama Ki Manind Jalata Hoon Nadeem
Bujh To Jaon Ga Magar Subha To Kar Jaon Ga

Ahmed Nadeem Qasimi