Rafaqton Ki Haseen Rut Mein,

Rafaqto'n Ki Haseen Rut Me, 
Mohabbato'n K Gulab Sare, 
Wafa Ki Dori Sy Bandh Rkhna, 
K Raasto'n Me Bikhr Na Jaye'n, 
K Ek Rasty K Do Musafir, 
Khyal Rkhna Bichar Na Jaye'n, 
Ye Jhilmilaty Sy Chand Taare, 
Ye Muskraty Se Phool Sare, 
Shafq Ki Laali Subha Ka Anchal, 
Gulabi Mosam Ye Urrty Badal, 
Gawah Hyn Meri Mohabbato'n K, 
Faqat Hy Itna Hi Tum Se Kehna, 
Mujhy Wafa Ki Saza Na Dena, 
K Yaad Rakhna Hamesha Mujh Ko, 
KABHI TUM MUJH KO BHULA NA DENA..

Har Dard Pehn Lena

Her Dard Pehan Lena Her Khawab Mein Kho Jana

Her Dard Pehan Lena Her Khawab Mein Kho Jana
Kia Apni Tabiat Hai, Her Shakhs Ka Ho Jana,

Ek Shaher Basa Lena Bichherey Huey Logon Ka
Phir Shab Ke Jazeerey Mein Dil Tham Ke So Jana,

Mouzu E Sukhan Kuch Ho, Ta'ader Usey Takna
Her Lafz Pe Ruk Jana, Her Baat Pe Kho Jana,

Aana To Bikher Jana Sanson Mein Mahik Ban Kar
Jana To Kalejey Mein Kantey Se Chabho Jana,

Jatey Huey Chup Rehna Un Bolti Aankhon Ka
Khamosh Takkalum Se Palkon Ko Bhigo Jana,

Lafzon Mein Utar Aana Un Phool Se Honton Ka
Ek Lamas Ki Khushboo Ka Pooron Mein Samo Jana,

Her Sham Azzaim Ke Kuch Mahal Bana Lena
Her Subha Iradon Ki Dehleez Pe So Jana

Aitbar Sajid

Dekhne Wali Aankain Peeche Reh Jati Hain

Yeh umar tumhari aisi hai
Jab aasman se tare torh k le aana bhi
Sach much mumkin lagta hai
Shaher ka her abad ilaqa
Apna aangan lagta hai
Yun lagta hai jaise her din
Her ik manzar
Tum se ijazat le ker apni shakal moayen kerta hai!
Jo chaho wo ho jata hai jo socho wo ho sakta hai!
Lakin aye is kachi umar ki barish mein mastana phirti chanchal larki!
Yeh badal jo aaj tumhari chat per ruk ker tum se batein kerta hai
Ik saya hai,
Tum se pehle aur tumhare baad k her ik mosam mein yeh
Her ik chat per aise he aur issi tarah se
Dhoke bant’ta phirta hai
Subh-e-azal se sham-e-abad tak! Aik he khail aur aik he manzar 
Dekhne wali her aankh ko her baar dikhaya jata hai
Aye sapnon ki saij pe sone jagne wali pyari larki!
Tere khawab jiyen,
Lakin itna dhayan mein rakhna jeewan ki is khawab sara k sare manzar,
Waqt k qaidi hote hain jo, apni ro mein
In ko sath liye jata hai
Dekhne wali aankhain peeche reh jati hai...........

Koun Kehta Hai Ke Mout Aai To Mar Jaon Ga...!

 Koun Kehta Hai Ke Mout Aai To Mar Jaon Ga...!
Mein To Darya Hoon, Samandar Mein Utar Jaon Ga

Tere Pehloo Se Jo Uthoon Ga To Mushkil Ye Hai
Sirf Ek Shakhs Ko Paon Ga...Jidher Jaon Ga..

Ab Tere Shaher Mein Aaon Ga Musafir Ki Tarah
Saya e Abar Ki Manind Guzar Jaon Ga

Tera Paiman e Wafa Rah Ki Diwar Bana
Warna Socha Tha Ke Jab Chahon Ga, Mar Jaon Ga

Chara Sazon Se Alag Hai Mera Meiar Ke Mein
Zakham Khaon Ga To Kuch Aor Sanwar Jaon Ga

Ab To Khursheed Ko Doobey Huey Sadian Guzaren
Ab Usey Dhoondney Mein Ta Ba Sahar Jaon Ga

Zindagi Shama Ki Manind Jalata Hoon Nadeem
Bujh To Jaon Ga Magar Subha To Kar Jaon Ga

Ahmed Nadeem Qasimi

Apne Dil Ki Halat Wo

Apney Dil Ki Halat Wo Kisi Ko Dikhata Na Tha,
Usey Kia Gham Hai Wo Kisi Ko Batata Na Tha,
Khizan Ka Mousam Jab Se Uska Naseeb Hi Thehra,
Usey Tab Se Koi Or Mousam Bhata Na Tha,
Logon Ko Hansany Ke Wastey Zindagi Bita Di Us Ne,
Kitna Ajeeb Tha Wo Shakhs Khud Muskurata Na Tha,
Janey Kis Ke Intezar Mein Baitha Rehta Tha Subh-o-Sham,
Misl e Moorat Bana Wo Palk Bhi Jhapkata Na Tha,
Aaj Reh Reh Kar Yaad Aaya Wo......!
Jo Dua De Kar Bhi Dua Batata Na Tha....!