Sachay Joothay Aankhon Ne Kia Kia

Sachay Joothay Aankhon Ne Kia Kia Khowab Dikhay Thay
Mohabat Ki Chahat Lay Kar Teray Shahir Jab Aay Thay

Dikh Kar Ulfat Janay Kion Hum Nadan Ye Bhool Gay
Kis Chahray Ne Chahray Per Kitnay Chahray Sajay Thay

Tanha Bhethay Jab Mehfil Main Tab Humain Ahsas Hoa
Jo Chorh Gay Beasrah Humahin Wo Appnay Kab Pray Thay

Eik Mooj Ki Masti Ki Masti Se , Saray Arman Dhoob Gay
Sahil Pat Ryat Se Hum Ne Janay Kitnay Gar Banay Thay

Choti Se Eik Choot Ne Sajid Dil Kisay Thoorh Dia
Warna Dil K Andar Hum Ne Kia Kia Dard Chopaay Thay

Es Shehr-E-Sitamgar Main Wafa Dhoond Rahy Hain

Es Shehr-E-Sitamgar Main Wafa Dhoond Rahy Hain

Nadan Hain Hum Bhi Ye Kia Dhoond Rahy Hain
Hum Log Muqaddar Kay Sikandar To Nahi
Kia Soach Kay Aab-E-Baqa Dhoond Rahy Hain
Khamosh Fizzaon Main Ye Bechain Parinday
Es Habs Kay Mosam Main Hawa Dhoond Rahy Hain
Jo Dil Se Nikalty Hiteray Qalb Ko Choo Lay
Hum Log Wohi Harf- E- Dua Dhoond Rahy Hain
Ik Shakhs Ny Manga Tha Kabhi Hum Ko Dua Main
Us Shakhs Ko Aaj Tak BA’KHUDA Dhoond Rahy Hain…

kuch yadgar-e-shahar-e-sitamgar hi le chalen

kuch yadgar-e-shahar-e-sitamgar hi le chalen
aye hain is gali main to pathar hi le chalen

yun kis tarah katega kari dhup ka safar
sar par khayal-e-yar ki chadar hi le chalen

ranj-e-safar ki koi nishani to pas ho
thori si khak-e-kucha-e-dilbar hi le chalen

ye kah k cherti hai hamain dilgiraftagi
ghabra gaye hain ap to bahar hi le chalen

is shahar-e-becharag main jayegi tu kahan
a ai shab-e-firaq tujhe ghar hi le chalen

--Nasir Kazmi

Baton Baton Mein Bicherne Ka Ishara Kar Ke

Chalo Ke Koocha e Dildar Chal Ke Dekhte Hain

Chalo Ke Koocha-e-Dildaar Chal Ke Dekhte Hain
Kise Kise Hai Yeh Azaar Chal Ke Dekhte Hain,

Suna Hai Aysa Maseeha Kaheen Se Aaya Hai
Ke Isko Shaher K Beemaar Chal Ke Dekhte Hain,

Hum Apne Butt Ko, Zulaykha Liye Hain Yousaf Ko
Hai Kon Ronaq-e-Bazaar Chal Ke Dekhte Hain,

Suna Hai Deer-o-Haram Men To Woh Nahi Milta
So Ab Ke Isko Sar-e-Daar Chal Ke Dekhte Hain,

Is Aik Shakhs Ko Dekho To Aankh Bharti Nahi
Is Aik Shakhs Ko Har Baar Chal Ke Dekhte Hain,

Woh Mere Ghar Ka Kare Qasd Jab Tu Saye Se
Kai Qadam Dar-o-Deewar Chal Ke Dekhte Hain,

Faraz Aseer Hai Uska K Woh Faraz Ka Hai
Hai Kon ? Kis Ka Griftaar ? Chal k Dekhte Hain.

Zaroor Koi Kami Meri Apni Zaat Mein hai

Koun Kehta Hai Ke Mout Aai To Mar Jaon Ga...!

 Koun Kehta Hai Ke Mout Aai To Mar Jaon Ga...!
Mein To Darya Hoon, Samandar Mein Utar Jaon Ga

Tere Pehloo Se Jo Uthoon Ga To Mushkil Ye Hai
Sirf Ek Shakhs Ko Paon Ga...Jidher Jaon Ga..

Ab Tere Shaher Mein Aaon Ga Musafir Ki Tarah
Saya e Abar Ki Manind Guzar Jaon Ga

Tera Paiman e Wafa Rah Ki Diwar Bana
Warna Socha Tha Ke Jab Chahon Ga, Mar Jaon Ga

Chara Sazon Se Alag Hai Mera Meiar Ke Mein
Zakham Khaon Ga To Kuch Aor Sanwar Jaon Ga

Ab To Khursheed Ko Doobey Huey Sadian Guzaren
Ab Usey Dhoondney Mein Ta Ba Sahar Jaon Ga

Zindagi Shama Ki Manind Jalata Hoon Nadeem
Bujh To Jaon Ga Magar Subha To Kar Jaon Ga

Ahmed Nadeem Qasimi

Hum Dasht Ke Basi Hain

Hum Dasht K Basi Hain, Ae Shaher Ke Logo,
Ye Rooh Piyasi, Hamen Wirsay Main Mili Hai.

Dukh Dard Se Sadion Ka Ta'alluq Hai Hamara,
Ankhon Ki Ye Udasi, Hamen Wirsay Main Mili Hai,

Jaan Dey-na Riwayat Hai Qabilay Ki Hamarey,
Ye Surkh Libasi, Hamen Wirsay Main Mili Hai,

Jo Baat Bhi Kehtay Hain Utar Jati Hai Dil Main,
Taseer Juda Si Hamen Wirsay Main Mili Hai,

Jo Hath bhi Thaama Hai SADA Sath Raha Hai,
Ahbaab Shanashi Hamen Wirsay Main Mili Hai,

Mujhe Apne Zabt Pe Naaz Tha

Mujhe Apne Zabt Pe Naz Tha, Sar e Bazm Raat Ye Kya Hua
Meri Aankh Kaise Chhalak Gayi Mujhe Ranj Hai Ye Bura Hua
Meri Zindagi Ke Charagh Ka Ye Andaz Koi Naya Nahin
Kabhi Raushni, Kabhi Teergi, Kabhi Jalaa Hua Kabhi Bujha Hua
Mujhe Raste Mein Para Hua Kisi Bad Naseeb Ka Khat Mila
Kahin Khoon-E-Dil Se Likha Hua, Kahin Aansuon Se Mita Hua
Jo Nazar Bacha Ke Guzar Gaye, Mere Saamne Se Abhi Abhi
Ye Mere Sheher Hi Ke Log They Mere Ghar Se Ghar Mila Hua
Mujhe Humsafar Bhi Mila Koi, To Shikasta Hal Meri Tarah
Kahin Raston Ka Lutaa Hua Kahin Manzilon Ka Thaka Hua

Itney Lambey Na Hoon Din

Itney Lambey Na Hoon Din,                         Aisey Palken Na Hoon Ter,
Itni Lamby Raat Na Ho,                               Aankh Purnam Na Rahey
Ranj Dunya K Na Hoon,                              Dil Ki Dunya Mein Kabhi
Koi Gham e Zaat Na Ho,                             Dukh Ka Mousam Na Rahey,
Dil Ke Aangan Mein Kabhi,                         Koi Andoh Na Ho,
Barish e Sadmat Na Ho,                              Koi Gham, Gham Na Rahey
Ager Tum Sath Raho,              Ager Tum Sath Raho,

      Zesat Jungle Ki Tarah
     Itni Biaban Na Lagey
     Apna Saya Bhi Hamen
     Khud Se Gurezan Na Lagey
     Ye Bhara Shaher Hamen
     Itna Veran Na Lagey
    Ager Tum Sath Raho,


Aitbar Sajid

Itney Lambey Na Hoon Din