Ye Kya Ke Zindagi Kisi Aur Ke Naam Ker Di Tum Ne

Ye Kya Ke Zindagi Kisi Aur Ke Naam Ker Di Tum Ne
Subah Honey Jaa Rahi Thi, Aur Shaam Ker Di Tum Ne

Lambi Zindagi Ki Duaaein Deney Ka Kya Faaida Hua
Jab Juda Ho Ke Khud, Ye Nabz Band Kar Di Tum Ne

Muskaan Per Tumhari,Her Khushi Ko Jiss Ne Waar Diya
Aaj Ussi Shakhs Ki Aansoo-on Say, Aankh Bhar Di Tum Ne

Pakar Ker Jiss Haath Ko, Tum Zindagi Guzaarna Chaahti Thi
Aaj Ussi Ki Muuthi Mein Jalti Hui, Raakh Bhar Di Tum Ne

Jissey Jeetney Ke Liye, Tum Ansoo Bahaaya Kerti Thi
Na Jaantey Huey Wohi Jeeti Baazi, Aaj Haar Di Tum Ne

Badley Wafa Ke Bewafai Milti Hai, Ye Suna Tha
Per Iss Kadar Koi Badal Jata Hai, Had Ker Di Tum Ne

Aankhon Mein Sitarey To Kai Sham Se Utrey

Kitna Sahal Jana Tha

kitna sahal jana tha
khushbuoon ko chu layna
sham ka her ikk manzar
ghar mei qaid ker layna
roshni sitaron ki muthiyon me bhar lena
kitna sahal jana tha
khushbuoon ko chu layna
jugnoon ke batoon say
phool jaisay angan mei
roshni se ker layna
kitna sahal jana tha
aye nazar ke khushfehmi
iss tarah nahe hota
titliyann pakarnay ko door jana perta hai

Hum Ro Detey Hain..

Har Dard Pehn Lena

Aaj Phir Kitni Udasi Thee...........Dastak

Barh Hi Jata Mohabbat Ka Asar Sham Ke Baad

You May Also Like This

Gaye Dinon Ka Suragh Le Kar

Dil e Man Thaher....

Aae Sitara e Shab Zindagi....Eid Mubarak

‎~*~ Us Ki Banhoon Mein ~*~

Baarish Ki Boondei'n Jab

Shaam Dhaley

Mere Kamre Ki Khirki Per

Apni Payal Bajati Hyn

Jab Thandi Hawa Meri Taraf

Apni Baanhei'n Phailati Hy

Jhil-mil Kerti Baarish Ki

Jal-tarang Mein Kho Jata Hoon !

Hawa Ko Bana k Saathi Apna

Us Ki Banh0'n Mein So Jata Hoon . . . !

Her Dard Pehan Lena Her Khawab Mein Kho Jana

Her Dard Pehan Lena Her Khawab Mein Kho Jana
Kia Apni Tabiat Hai, Her Shakhs Ka Ho Jana,

Ek Shaher Basa Lena Bichherey Huey Logon Ka
Phir Shab Ke Jazeerey Mein Dil Tham Ke So Jana,

Mouzu E Sukhan Kuch Ho, Ta'ader Usey Takna
Her Lafz Pe Ruk Jana, Her Baat Pe Kho Jana,

Aana To Bikher Jana Sanson Mein Mahik Ban Kar
Jana To Kalejey Mein Kantey Se Chabho Jana,

Jatey Huey Chup Rehna Un Bolti Aankhon Ka
Khamosh Takkalum Se Palkon Ko Bhigo Jana,

Lafzon Mein Utar Aana Un Phool Se Honton Ka
Ek Lamas Ki Khushboo Ka Pooron Mein Samo Jana,

Her Sham Azzaim Ke Kuch Mahal Bana Lena
Her Subha Iradon Ki Dehleez Pe So Jana

Aitbar Sajid

Raston Mein Koi Rasta Mo'tabir Aisa To Ho

Raston Mein Koi Rasta Mo'tabir Aisa To Ho

Manzilen Nazan Hoon Jis Per Ek Safar Aisa To Ho,

Sham Dhaltey Hi Hamen Zanjeer Pehnaney Lagey

Mehfilon Mein Bhi Hamen Yaad Aae Ghar Aisa To Ho,

Jis Ke Daman Mein Ulat Deen Apney Dil Ki Kirchian

Is Hajoom e Shaher Mein Ek Chara Gar Aisa To Ho,

Phir Kahen Mil Jain Hum Tark e Ta'luq Ke Laye

Hijar Jaan Lewa Sahi, Bar e Dagar Aisa To Ho,

Kis Laye Hum Zehmat Araish e Khana Karen

Haal e Dil Jaisa Hai Rang e Bam O Dar Aisa To Ho,

Be Nawa Galion Mein Hum Kia Dastaken Dete Phiren

Koi Sajid Sahib e Zanjeer e Dar Aisa To Ho

Aitbar Sajid

Dekhne Wali Aankain Peeche Reh Jati Hain

Yeh umar tumhari aisi hai
Jab aasman se tare torh k le aana bhi
Sach much mumkin lagta hai
Shaher ka her abad ilaqa
Apna aangan lagta hai
Yun lagta hai jaise her din
Her ik manzar
Tum se ijazat le ker apni shakal moayen kerta hai!
Jo chaho wo ho jata hai jo socho wo ho sakta hai!
Lakin aye is kachi umar ki barish mein mastana phirti chanchal larki!
Yeh badal jo aaj tumhari chat per ruk ker tum se batein kerta hai
Ik saya hai,
Tum se pehle aur tumhare baad k her ik mosam mein yeh
Her ik chat per aise he aur issi tarah se
Dhoke bant’ta phirta hai
Subh-e-azal se sham-e-abad tak! Aik he khail aur aik he manzar 
Dekhne wali her aankh ko her baar dikhaya jata hai
Aye sapnon ki saij pe sone jagne wali pyari larki!
Tere khawab jiyen,
Lakin itna dhayan mein rakhna jeewan ki is khawab sara k sare manzar,
Waqt k qaidi hote hain jo, apni ro mein
In ko sath liye jata hai
Dekhne wali aankhain peeche reh jati hai...........

Kabhi Is Nagar Tujhe Dekhna,

Kabhi Is Nagar Tujhe Dekhna, Kabhi Us Nagar Tujhe Dhoondna,
Kabhi Raat Bhar Tujhe Sochna, Kabhi Raat Bhar Tujhe Dhoondna,

Mujhe Ja Ba Ja Teri Justoju, Tujhe Dhoondta Hoon Mein Ku Ba Ku,
Kahan Khul Saka Tere Rubaru Mera Is Qadar Tujhe Dhoondna,

Mera Khawab Tha Ke Khial Tha, Wo Urooj Tha Ke Ziwal Tha,
Kabhi Arsh Per Tujhe Dekhna, Kabhi Farsh Per TUjhe Dhoondna,

Yahan Her Kisi Se Hi Bair Hai, Tera Shaher Qarria e Ghair Hai,
Yahan Sahel Bhi To Nahi Koi Mere Bekhabar Tujhe Dhoondna,

Teri Yaad Aai To Ro Dia, Jo Tu Mil Gia Tujhe Kho Dia,
Mere Silsaley Bhi Ajeeb Hain Tujhe Chhor Kar Tujhe Dhoondna,

Ye Meri Ghazal Ka Kamal Hai Ke Teri Nazar Ka Jamal Hai,
Tujhe Sher Sher Sochna, Sar e Bam O Dar Tujhe Dhoondna

Tabish Kamal

Apne Dil Ki Halat Wo

Apney Dil Ki Halat Wo Kisi Ko Dikhata Na Tha,
Usey Kia Gham Hai Wo Kisi Ko Batata Na Tha,
Khizan Ka Mousam Jab Se Uska Naseeb Hi Thehra,
Usey Tab Se Koi Or Mousam Bhata Na Tha,
Logon Ko Hansany Ke Wastey Zindagi Bita Di Us Ne,
Kitna Ajeeb Tha Wo Shakhs Khud Muskurata Na Tha,
Janey Kis Ke Intezar Mein Baitha Rehta Tha Subh-o-Sham,
Misl e Moorat Bana Wo Palk Bhi Jhapkata Na Tha,
Aaj Reh Reh Kar Yaad Aaya Wo......!
Jo Dua De Kar Bhi Dua Batata Na Tha....!

Kisi Din , Chahtey Hain

Kisi Din , Chahtey Hain
Chupkey se Ham Uss ke Zeeney Par
Koi Jalta Diya,
Kuch Phool
Rakh Aayein
ke Apney Bachpaney mein
Wo Andheroo'n se bhi Darta Tha
Ussey Phooloo'n ki Khushboo sebhi Raghbat Thi
Bohat Mumkin Hai, Ab Bhi
Shab ki Taareeki Se Uss ko Khaof Aata ho
Mehaktey Phool Shayed Baais-e-Taskeen Ab Bhi Ho'n
So Iss Imkaan par
Ik Shaam Uss ke Naam Kartey Hain
Chalo Yeh Kaam KArtey Hain !


Aitbar Sajid

Wo Lamhey Kitne Darogh Go They