Dil Behelta Hai Kahan Anjum-O-Mahtaab Se Bhi

Dil Behelta Hai Kahan Anjum-O-Mahtaab Se Bhi
Ab To Hum Log Gaye Deeda Bekhuwaab Se Bhi..

Ro Para Hoon To Koi Baat Hi Aisi Hogi
Main K Waaqif Tha Tery Hijr K Aadaab Se Bhi..

Kuch To Us Aankh Ka Shewa Hai Khafa Ho Jana
Aur Kuch Bhool Hui Hai Dil-E-Betaab Se Bhi..

Aye Samandar Ki Hawa Tery Karam Bhi Maloom
Piyas Sahil Ki To Bujhti Nahi Sailaab Se Bhi..

Kuch To Us Husn Ko Jany Hai Zamana Sara..!!
Aur Kuch Baat Chali Hai Mery Ahbaab Se Bhi...

{Ahmad Faraz}