Wednesday, June 1, 2011

Chalo Ke Koocha e Dildar Chal Ke Dekhte Hain

Chalo Ke Koocha-e-Dildaar Chal Ke Dekhte Hain
Kise Kise Hai Yeh Azaar Chal Ke Dekhte Hain,

Suna Hai Aysa Maseeha Kaheen Se Aaya Hai
Ke Isko Shaher K Beemaar Chal Ke Dekhte Hain,

Hum Apne Butt Ko, Zulaykha Liye Hain Yousaf Ko
Hai Kon Ronaq-e-Bazaar Chal Ke Dekhte Hain,

Suna Hai Deer-o-Haram Men To Woh Nahi Milta
So Ab Ke Isko Sar-e-Daar Chal Ke Dekhte Hain,

Is Aik Shakhs Ko Dekho To Aankh Bharti Nahi
Is Aik Shakhs Ko Har Baar Chal Ke Dekhte Hain,

Woh Mere Ghar Ka Kare Qasd Jab Tu Saye Se
Kai Qadam Dar-o-Deewar Chal Ke Dekhte Hain,

Faraz Aseer Hai Uska K Woh Faraz Ka Hai
Hai Kon ? Kis Ka Griftaar ? Chal k Dekhte Hain.

No comments:

Post a Comment

StatCounter