Sunday, December 19, 2010

Teri Tareef Karte Hai To IsMe Kya Burayi Hai

Teri Tareef Karte Hai To IsMe Kya Burayi Hai, 
Khuda Ne Apne Hathonse Teri Surat Banayi Hai, 

Hazaron Ki Tarah Sunle Teri Ruswai Ke Dar Se, 
Teri Tasveer HuMne Kitabon Mein Chhupayi Hai, 

Teri MasooM Surat Ki Yehi Tarif Hai Sun Le, 
Zubaan Pe Hai Yehi Sab Ke Khudayi Hai Khudayi Hai, 

Marz Ye Ishq Ka Aisa Laga Ki Phir Nahi Chhuta, 
Dua Bhi HuMne Ki Dawa Bhi AazMaayi Hai...

Jab Meri Raah Teri Raah Se Milti Hi Nahi


Jab Meri Raah Teri Raah Se Milti Hi Nahi, 
Phir Mere Sath Nibhane Ki Zaroorat Kya Hai, 
Apni MasooM TaMannaon Ko Rehbar Na Banao, 
Khwaab Phir Khwaab Hai Labon Ki Haqeeqat Kya Hai, 
Ye Nahi Raah Tujhe Raas Na Aayegi,

Maine Maana Ke Tujhe Mujhse Mohabbat Hai Magar, 
Meri Gurbat Teri Chahat Ka Sila Kya Degi, 
Apni MehrooMi-E-KisMat Se Pareshan Hoon Main,
Bebasi Ashq-E-NidaMat Ke Siwa Kya Degi, 
Waqt Ki Dhoop Mein Har Chiz Jhulas Jayegi...

Waqat Aaj Ye Kis MuqaaM Par Le Aaya Hai

Waqt Aaj Ye Kis MuqaaM Par Le Aaya Hai, 
Mujhe Apno Ne Hi Kyon Begana Banaya Hai, 

Dikhta Nahi Hai Yahan Ab Apna Sa Kyon Koi, 
Ek Sannata Sa Rishton Ke DarMiyaan Aaya Hai, 

Dikhta Hai GaM Hi GaM Charon Taraf, 
MasooM Sa Mera Dil Apne ZakhMon Ko Dikhane Se Ghabraya Hai, 

Saath Chal Ke Char KadaM Chhod Diya Apno Ne, 
Mere Apno Ko Shayad Gairon Ne Behkaya Hai, 

Dard Aaj Phir Chhalak Pada Hai Aankhon Se PaiMane Ki Tarah, 
Aaj Phir Ye Dil Ko Kaunsa Haadsaa Yaad Aaya Hai, 

SaMne The HuM Ke Bhool Chuke Hai Sab Kuch, 
Par Aaj Bhi Kyon Unke NaaMko Apne Dilki Dhadkano Mein Paya Hai...

Sochta Hoon Ke Use Neend Bhi Aati Hogi


Sochta Hoon Ke Use Neend Bhi Aati Hogi, 
Ye Meri Tarah Faqt Ashq Bahati Hogi, 

Wo Meri Shakal Mera NaaM Bhulane Wali, 
Apni Tasveer Se Kya Aankh Milati Hogi, 

Is ZaMeen Par Bhi Hai Sailab Mere Ashqon Ka, 
Mere MataM Ki Sada Arsh Hilati Hogi, 

ShaaM Hote Hi Wo Chaukhat Pe Jala Ke ShaMa, 
Apni Palkon Pe Kayi Khwaab Sulati Hogi, 

Mere Tareek ZaMane Se Nikalne Wale, 
Roshni Tujhko Meri Yaad Dilati Hogi, 

Dilki MasooM Ragein Khud Hi Sulagti Hogi, 
Joonhi Tasveer Ka Kona Wo Jalati Hogi...

Tu Mere Sath Chal Na Payegi


Tu Mere Sath Chal Na Payegi, 
Jab Meri Raah Teri Raah Se Milti Hi Nahi, 
Phir Mera Saath Nibhane Ki Zaroorat Kya Hai, 
Apni MasooM TaMannaon Ko Rehbar Na Bana, 
Khwab Phir Khwab Hai Labon Ki Haqeeqat Kya Hai, 
Ye Nayi Raah Tujhe Raas Nahi Ayegi, 

Maine Mana Ke Tujhe Mujhse Mohabbat Hai Magar, 
Meri Gurbat Teri Chahat Ka Sila Kya Degi, 
Apni MehruMi-E-QisMat Se Pareshan Hoon Main,
Bebasi Ashq-E-NadaMat Ke Siwa Kya Degi, 
Waqt Ki Dhoop Mein Har Chiz Jhulas Jayegi..

Kahin Tum Apni


Kahin Tum Apni qismat ka Likhaa tabdeel kar Letey,

To shaayad Hum bhi Apnaa feisla tabdeel kar Letey,

Agar Hum waaqai kam ho0sla hotey Mohabbat mein,

To marz barhney se pehLey hi dawaa tabdeel kar Letey,

Tumhare saath chaLney per jo Dil raazi nahin hota,

Bohat pehLey Hum Apnaa raasta tabdeel kar Letey,

Tumhari tarha jeeney ka hunar aata to phir
shaayad,

Makaan Apnaa wohi rakhtey pata tabdeel kar Letey..?

Bohat Aasan hai kehna

Bohat Aasan hai kehna,
Mohabat Tumse krtay hain,
Mgr Matlab Mohabat ka Samjh Lena nahi Aasan,
Mohabat Pa k Khoo dena
Mohabat Khoo k Pa lena
Ye Un logon k Qissay hain
Mohabat k jo Mujrim hain
Jo Mil jane Pe hanste hain
Bichar Jane Pe Roote hain
Mohabat krne Walay to Bohat Khamosh hote hain,
Jo Qurbat main bhi jeetay hain,
jo judaai main bhi jeetay hain,
na wo faryaad krty hain,
na wo Aansoon ko peetay hain,
bohat Aasan hai kehna
k mujhy tumse Mohabat hai..

Haath Choom Loon

uska rukh_e_mahtaab us k haath choom loon
jo bas chale to us ki har baat choom loon
choo jae jo us ki zulf ko barish ki boond
wo bond kaya barish kiya mosm_e_barsaat choom loon
bhole se kabhi aa jae mere khwab main agar
main khwab kaya neend kaya wo raat choom loon
mughe kuch ahi chahey bas khali haath par mere
rakh de wo apa haath main wo haath choom loon
rote houe lag jae kabhi mere seene se agar
main uski uske rukhsaar us ki sari zaat choom loon

Wednesday, December 1, 2010

Dasht-e-Hijraa.n Mein Na Saaya Na Sada....!!!

Dasht-e-hijraa.n mein na saaya na sada teray baad
Kitnay tanha hain teray aabla-pa teray baad

Koi peghaam na dildaar-e-nava teray baad
Khaak uraati hui guzri hai saba teray baad

Lab pe ik harf-e-talab tha na raha teray baad
Dil mein taaseer ki khahish na dua teray baad

Aks-o-aaina mein ab rabt ho kiya teray baad
Hum to phirtay hain khud apnay se khafa teray baad

Dhoop aariz ki na zulfon ki ghata teray baad
Hijr ki rut hai keh habs ki fiza teray baad

Liye phirti hai sar-e-koo-e-jafa teray baad
Parcham-e-tar garebaa.n ko hava teray baad

Perahan apna na salamat na qaba teray baad
Bus vahi hum hain vahi sehra ki rida teray baad

Nikhat-o-ney hai na dast-e-qaza teray baad
Shaakh-e-jaa.n per koi ghuncha na khila teray baad

Dil na mehtaab se ujla na jala teray baad
Aik jugnu tha chup chaap bujha teray baad

Dard seenay mein hua nauha-sara teray baad
Dil ki dharkan hai ke maatam ki sada teray baad

Kaun se rango.n ke bhanvar kesi hina teray baad
Apna khoon meri hatheli pe saja teray baad

Tujh se bichra to murjha ke hava-burd hua
Kaun deta mujhay khilnay ki dua teray baad

Aik hum hain ke be barg-o-nava teray baad
Varna aabaad hai sab khalq-e-Khuda teray baad

Aik qayaamat ki kharaashain meray chehray pe sajeen
Aik mehshar meray andar se utha teray baad

Aye falak-e-naaz meri khaak nishaani teri
Main ne matti pe tera naam likha teray baad

Tu ke simta to rag-e-jaa.n ki hadon mein simta
Main ke bikhra to sameta na gaya teray baad

Ye alag baat hai ke afshaa.n na hua tu varna
Main ne kitna tujhay mehsoos kiya teray baad

Milnay vaalay kayee mafhoom pehen ker aaye
Koi chehra bhi na aankhon ne parha teray baad

Bujhay jaatay hain khad-o-khaal manaazir afaq
Phelta jaata hai khaahish ka khala teray baad

Meri dukhti hui aankhon se gavaahi lena
Main ne socha tujhay apnay se siva teray baad

Seh liya dil ne teray baad malaamat ka azaab
Varna chubhti hai rag-e-jaa.n mein hava teray baad

Jaan-e-Mohsin mera haasil yehi mubham satrain
Sher kehnay ka hunar bhool gaya teray baad


~Mohsin Naqvi

Meray Humdum Meray Dost

Gar mujhay is ka yaqee.n ho
Meray humdum, meray dost
Gar mujhay is ka yaqee.n ho
Keh teray dil ki thakan
Teri aankhon ki udaasi, teray seenay ki jalan
Meri diljoyee, meray piyaar se mit jaaye gee
Gar mera harf-e-tasalli
Vo dava ho, jis se
Jee uthay phir tera ujra hua be noor dimaagh
Teri peshaani se dhul jaayen ye tazleel ke daagh
Teri beemaar javaani ko shifa mil jaaye..

Gar mujhay is ka yaqee.n ho
Meray humdum, meray dost
Roz-o-shab, shaam-o-seher
Main tujhay behlaata rahoon
Main tujhay geet sunaata rahoon
Halkay, sheeree.n..
Aabshaaron ke, bahaaron ke, chaman zaaron ke geet,
Aamad-e-subh ke, mehtaab ke, saiyyaaron ke geet,
Tujh se main husn-o-mohabbat ki hikaayaat kahoon,
Kesay maghroor haseenaaon ke barfaab se jism
Garm haathon ki haraarat mein pighal jaatay hain
Kesay aik chehray ke thehray huay maanoos nuqoosh
Dekhtay dekhtay yaklakht badal jaatay hain
Kis tarah aariz-e-mehboob ka shaffaaf biloar
Yak-bayak baada-e-ehmar se dehek jaata hai
Kesay gul-chee.n ke liye jhukti hai khud shaakh-e-gulaab
Kis tarah raat ka aivaan mehek jaata hai

Yoonhi gaata rahoon, gaata rahoon teri khaatir
Geet bunta rahoon, betha rahoon teri khaatir
Per meray geet teray dukh ka madaava he nahin
Naghma jarra nahin, moonis-o-ghamkhaar sahi
Geet nishtar to nahin, marham-e-aazaar sahi
Teray aazaar ka chaara nahin, nishtar ke siva
Aur yeh saffaak maseeha meray qabzay mein nahin
Is jahaa.n ke kisi zee-rooh ke qabzay mein nahin
Haan magar teray siva, teray siva, teray siva



Faiz Ahmed Faiz

chaNd roz aur meri jaan faqat chaNd hi roz...!!!

chaNd roz aur meri jaan faqat chaNd hi roz
zulm ki cHaauuN meN dam lene par majbuur haiN ham
aur kucH der sitam saih leN, taRap leN ro leN
apne ajdaad ki miiraas hai maazuur haiN ham
jism par qaid hai jazbaat pe zaNjiireN haiN
fikr mehbuus hai guftaar pe taaziireN haiN
aur apni himmat hai keh ham phir bhi jiye jaate haiN
zindagi keyaa kisi muflis ki qabaa hai jis meN
har ghaRi dard ke paiwaNd lage jaate haiN

lekin ab zulm ki meyaad ke din thoRe haiN
ik zaraa sabr keh fariyaad ke din thoRe haiN
arsaa-e-dahar ki jhulsi hui wiiraani meN
ham ko rehnaa hai par yuuN hi to nahiN rehnaa hai
ajnabi haathoN kaa benaam garaaN-baar sitam
aaj sehnaa hai hameshaa to nahiN sehnaa hai
yeh tere husn se lipTi hui aalaam ki gard
apni do rozaa jawaani ki shikastoN kaa shumaar
chaaNdani raatoN kaa bekaar dehaktaa huwaa dard
dil ki besuud taRap jism ki maayuus pukaar
chaNd roz aur meri jaan faqat chaNd hi roz

*********************************

Main Jidher Gia Main Jahan Raha...!!

Main Jidher Gia Main Jahan Raha
Maray Saath Thaa
Wouhi Aik Saya-E-Mahrbaan
Wou Jou Aik Parda-E-Abr Thaa Sar-E-Asmaan
Pas-E-Her-Gumaan
Wou Jou Aik Harf-E-Yaqeen Thaa
Maray Her Safar Kaa Ameen Thaa
Wou Jou Aik Baagh-E-Irum-Numa
Sabhi Mosamon Main Hara Raha
Wo Ujarr Gia
Wo Jou Aik Duaa Kaa Charaagh Saa Maray Raaston
Main Jalaa Raha
Wo Bikhar Gia
Maray Ghum Ko Jurr Say Ukhaarta
Wo Jo Aik Lams-E-Aziz Thaa
Kisi Kapkapaatay Say Haath Ka Wo Nahi Raha
Wo Jo Aankh Rahti Thi Jagti Maray Naam Per
Wo So Gaee!
Wo Jo Ek Duaa-E-Sakoon Thi Maray Rakht Main Wohi Kho Gaee
Ay Khudaa-Ey-Wahda-O-Lum-Yaazil
Taray Aik Harf Ke Say-D Hain
Yay Zamaan Makaan!
Teray Faislon Ke Hazoor Main
Naa Majal Hay Kisi Uzr Ki, Na Kisi Ko Taab-E-Sawal Hay
Yeh Jo Zindagi Ki Mataah Hay
Teri Dain Hay, Tera Maal Hay
Mujhay Hay To Itna Malaal Hay!
Ke Jab Iski Saa-At-E-Aakhri Sar-E-Raah Thi
Main Wahaan Na Thaa!
Maray Raston Say Nikal Gai Wo Jo Aik Ja-E-Panaah Thi
Main Wahaa Naa Tha!
Sar-E-Shaam Ghum Mujhay Dhoondhti Mari Maan Ki Bujhti Nigaah Thi
Main Waha Naa Thaa!
Maray Chaar Soo Hay Dhuwaan Dhuwaan
Maray Khuwab Say Meri Aankh Tak
Yeh Jo Sail-E-Ashk Hay Darmian
Usi Sail-E-Ashk Ke Paar Hay
Kaheen Mari Maan!
Teray Rehm Ki Nahi Hud Koi
Teray Afuu Ki Nahi Intehaa
Ke Tu Maa Say Burh Ke Shafeek Hay
Wo Rafeeq Hay
Ke Jo Saath Ho To Yeh Zindagi Ki Musaftain
Yeh Azi-Atain, Yeh Rukawatain
Faqat Ek Nigaah Ki Maar Hain
Yeh Jo Khaar Hain
Teray Dast-E-Moj-Zaa-Saaz Hain
Gul-E-Khush Jamal-E-Bahar Hain
Meri Iltejaa Hay To Bas Yehi
Meri Zindagi Ka Jo Waqt Hay, Katay Uski Ujli Dua-On Main
Teray Derguzar Ke Huzoor Main
Teri Barkton Ke Hisaar Main!
Wo Jo Khaas Chashm-E-Karam Main Hay
Isi Roshni Ki Qataar Main!
Kisi Cheez Ki Bhi Kami Nahi
Teri Bakh-Shishoun Ke De-Yaar Main!
Meri Maan Ki Rooh-E-Jameel Ko
Sada Rakhna Apnay Jawaar Main!
Sada Purfiza Wo Lahad Rahay,
Taray Lutf-E-Khaas Ki Chhayon Main



Amjad Islam Amjad

Wo Humsafar Tha Magar...!!

wo humsafar tha magar us se hum nawayi na thi
k dhoop chaon ka aalam raha judai na thi

Adawatein thi ...Taghaful tha ..Ranjishen thi ... Magar
Bicharne wale main sab kuch tha magar be wafai na thi

Bicharte waqt un aankhon main thi hamari ghazal
Ghazal bhi wo jo kabhi kisi ko sunayi na thi

kisay pukaar raha tha wo doobte huey din
sada to ayi thi lakin koi duhaayi na thi

kabhi ye haal k dono main yak-dili thi Mohsin
kabhi ye marhala jaise k aashnayi na thi ..

Sahil, rait, samandar, lehrain......

Sahil, rait, samandar, lehrain,
Basti, jungle, sehra, darya,
Khushbu, mousam, phool, dareechay,
Baadal, suuraj, chaand, sitaray...
Aaj ye sab kuch naam tumharay...!

Khaab ki baatain, yaad k qissay,
Soch k pehlu, neend k lamhay,
Dard k aansu, chain k naghmay,
Urtay waqt k behtay dhaaray...
Aaj ye sab kuch naam tumharay...!

Rooh ki aahat, jism ki junbish,
Khoon ki gardish, saans ki larzish,
Aankh ka pani,
Chahat k unwaan ye saray...
Aaj ye sab kuch naam tumharay...! 

Jaane wale nahee laut'tay ummer bhar

Ay dil-e-bekhabar
Jo hawa ja chuki ab nahee aayegi
Jo shajjar toot jaata hai phalta nahee
Waapsi mausamoon ka muqaddar tu hai
Jo samaan beet jaaye palat'ta nahee
Jane walay nahee laut'tay umar bhar
Ab kissay dhoondta hai sar-e-rehguzar
Ay dil-e-kam nazar, ay mere bekhabar, ay mere hamsafar
Woh tu khushboo thaa aglay nagar ja chuka
Chaandi thaa huwa sarf-e-rang-e-qamar
Khwaab thaa aankh khultay hi oujhal huwa
Pair thaa rutt badaltay huwa be-sammar
Ay dil-e-assar, ay mere chaaragar
Yeh hai kis ko khabar
Kab hawa-e-safar ka ishaara milay
Kab khullain sahiloon per safeenoo ke par
Kaun jaane kahaan manzil-e-mauj hai
Kis jazeeray per hai Uss ka ghar, ay mere charagar
Ay dil-e-bekhabar kam-nazar mu'tabar
Tu ke muddat se hai zaer-e-baar-e-safar
Beqaraar-e-safar
Aas ke be-samar mausamoon ki tarah
Be-jahat munziloon ki musaafit mein hai
Raasta bhoolay huwe rehruwoon ki tarah
Choob-e-naar-e-safar
Etabaar-e-nazar, etabaar-e-nazar kis gumaan per karain
Ay dil-e-bebasar
Yeh tu sahil pe bhi dekhti hai bhanwar
Rait mein kisht karti hai aab-e-baqah
Kholti hai hawaoon mein baab-e-assar
Tujh ko rakhti hai yeh zaeb-e-daar-e-safar beqarar-e-safar
Ay dil-e-be-hunnar
Garam sansoon ki woh khushbooain bhool ja...
Woh cheekhti huwi dharkanain bhool ja...
Bhool ja naram hontoo ki shadaabeyaan...
Harf-e-iqraar ki lazzattain bhool ja...
Bhool ja woh hawa, bhool ja woh nagar
Kaun jane kahaan roshni khoo gaee
Lutt gaya hai kahaan karwaan-e-sehar
Ab kahaan gesoowoon ke woh saaye, kahaan
Us ki aahat se chamkay huwe baam-o-dar, ay dil-e-bebasar
Rang-e-aasodgi ke tamashe kahaan
Jhatpatta hai yahaan rehguzar rehguzar
Woh tu khushboo thaa aglay nagar ja chuka
Ab kissay dhondta hai array be-khabar
Jaane wale nahee laut'tay ummer bhar
Ay dil-e-kamnazar, ay mere chaaragar, ay mere hamsafar...

Sada Jisay Ik Aag Mein Jalte Rehna Hai

Aag mein liptay kuch shabdon se

Mein ne kabhi ik nazam likhi thi

Jane kia tha un harfon mein

Ansoo meri palkon tak jal ker pohanche the

Kain dinon tak aanch mere aanchal mein rahi thi

Aaj laga hai

Jesay mein wo jalti nazam hun

Jis ko dast-e-abr-o-saba se likhe na jane ka shikwa hai

Dasht mein hun aur aab ka payala

Mere hath se chout chuka hai

Barish ka aor pyas ka rishta barson pehle toot chuka hai

HAn ik badal hai jo mujh ko

Apni oak se kabhi kabhi ik do boondein de ker kehta hai

"Mein Tera Hoon"

Us ko kesay samjhaon???

Aye re badal tu to sub ka

Teri rah mein mujh se pehle kitne gul bootay aate hain

Tujh pe mera haq he kia hai

Mein to apne RAB ki jalti

Maati se likhi wo nazam hun

"Sada Jisay Ik Aag Mein Jalte Rehna Hai"...!!!

Ankh ban Jati hai sawan ki ghata sham kai baad

Ankh ban Jati hai sawan ki ghata sham kai baad
Laut jata hai ager koi khafa sham kai baad

Wo jo TaL jati rahi saR sai bala sham kai baad
Koi to tha kai jo daita tha Dua sham kai baad

AhHain Bhrati hai shab-e-HijjaR YateemOOn ki tarah
Sard ho jati hai her Roz hawa sham kai baad

Sham tak Qaid raha kartay hain DiL kai ander
Derd ho jatay hain Saray Hi reha sham kai baad

Log thak haar kai so jatay hain Lakin JanaaN
Hum nai khush ho kai saha taira Derd sham kai baad

Sham sai pahlai Talak Lakh SulaiEEy rekhain
JaG uthati hai mohabbat ki Anna Sham kai baad

Khawab TaKra kai Palat jatay hain Band ankhoon sai
Janay kis Juram ki kis ko hai saza sham kai baad

Hum nai Tanhai sai poocha keh MiLo gi kaab Tak
Uss nai bay chaini sai foran hi kaha sham kai baad

Main ager khush bhi rahon phir bhi mairay seenai main
SOGwaaari koi rooti hai sadaa shaaaaam kai baad

Tum gaEEy ho to siyaa rang kai kapray pehnay
Phirti rehti hai mairay ghar main Qaza sham kai baad

Laut aati hai mairi shab ki eBaDat Khali HaaTh
Janai kis ARSH pai rehta hai khuda sham kai baad

Din Ajab mothi main Jakray hoay rekhta hai mujhay
Mujh ko iss baat ka ahsaas hoa sham kai baad

Koi bhoola hoa gham hai jo Musalasal Mujh ko
DiL kai pataL sai daita hai Sada sham kai baad

Mar daita hai UjaR janai ka DuHra Ahsaas
Kash ho Koi kissi sai na Juda sham kai baad....



Farhat Abaas Shah

Main Aur Meri Tanhayee

Aawaara Hai Galiyon Mein Main Aur Meri Tanhayee
Jaayen To Kahan Jaayen Har Mod Pe Ruswaayee
Main Aur Meri Tanhaayee Main Aur Meri Tanhaayee

Ye Phool Se Chehre Hain Hanste Huye Guldaste
Koi Bhee Nahin Apna Begaane Hain Sab Raste
Raahen Bhee Tamashyee Raahen Bhee Tamashaee
Main Aur Meri Tanhaayee Main Aur Meri Tanhaayee

Armaan Sulagte Hain Seene Mein Chitha Jaise
Qaatil Nazar Aati Hai Duniya Ke Hawa Jaise
Roti Hai Mere Dil Par Bajti Huyee Shehnayee
Main Aur Meri Tanhaayee Main Aur Meri Tanhaayee

Aakaash Ke Maathe Par Taaron Ka Charagam Hai
Pehloo Mein Magar Mere Zakhmon Ka Gulistaan Hai
Aankhon Se Lahoo Tapka Daaman Mein Bahaar Aayee
Main Aur Meri Tanhaayee Main Aur Meri Tanhaayee

StatCounter