Dil Mein Ek Lehar Si Uthi Hai Abhi by Nasir Kazmi.. Nasir Kazmi is a great poet his Ghazal Dil Mein Ek Lehar Si Uthi Hai Abhi is one of the best poem or Ghazal. You also enjoy to read this Ghazal... Enjoy Dil Mein Ek Lehar Si Uthi Hai Abhi by Nasir Kazmi.. and also Download Dil Mein Ek Lehar Si Uthi Hai Abhi by Gulam Ali
دل میں ایک لہر سی اُٹھی ہے ابھی
کوئی تازہ ہوا چلی ہے ابھی
شور برپا ہے خانۂ دِل میں
کوئی دیوار سی گِری ہے ابھی
کچھ تو نازُک مِزاج ہیں ہم بھی
اور یہ چوٹ بھی نئی ہے ابھی
بھری دُنیا میں دِل نہیں لگتا
جانے کِس چیز کی کمی ہے ابھی
شہر کی بے چراغ گلیوں میں
زندگی تجھ کو ڈھونڈتی ہے ابھی
تم تو یارو! ابھی سے اُٹھ بیٹھے
شہر میں رات جاگتی ہے ابھی
وقت اچھا بھی آئے گا ناصر
غم نہ کر زندگی پڑی ہے ابھی
No comments:
Post a Comment