Juda Tum Se Hue Hain To Kisi Se Hum Nahi Milte

Juda Tum Se Hue Hain To Kisi Se Hum Nahi Milte
Koi Hum Se Mile Bhi To Khusi Se Hum Nahi Milte,

Agar Pathar Ho Tum To Aao Betho Hum Bhi Pathar Hain
Agar Ho Aadmi,To Aadmi Se Hum Nahi Milte,

Hum Apni Zaat Mein Sehra Hain Sehraon Se Yari Hai
Kisi Darya Samandar Ya Nadi Se Hum Nahi Milte,

Humein Murda Dili Tohfe Mein Tum Ne Hi To Bheji Thi
Gila Mat Kar Jo Ab Zinda Dili Se Hum Nahi Milte,

Hamari Zindagi Hai Wo Agar Uss Ki Khushi Hai To
Chalo Kuch Roz Apni Zindagi Se Hum Nahi Milte,

Faqeeron Ko Faqeeron Ki Rafaqat Raas Aati Hai
Sakhi Aaen To Keh Dena Sakhi Se Hum Nahi Milte.