Kabhi Kabhi Mere Dil Mein Khayal Aata Hai

Kabhii Kabhii Mere Dil Mein Khayaal Aataa Hai

K Zindagii Tirii Zulfon Ke Narm Chaaon Mein

Guzarne Paati To Shaadaab Ho Bhi Saktii Thii

Ye Teeragi Jo Miri Zeest Ka Muqaddar Hai

Tirii Nazar Ki Shu’aaon Mein Kho Bhi Sakti Thii

Ajab Na Thaa K Main Begaana-E-Alam Ho Kar

Tirii Jamaal Ki Ra’anaaiyon Mein Kho Rahtaa

Tiraa Gudaaz Badan Terii Neembaaz Aankhein

Inheen Haseen Fasaanon Mein Mahv Ho Rahtaa

Pukaarti Mujhe Jab Talkhiyaan Zamaane Ki

Tire Labon Se Halaavat Ke Ghoont Pee Letaa

Hayaat Cheekhti Phirti Barhanaa Sar Aur Main

Ghaneri Zulfon Ke Saaye Mein Chhup Ke Jee Letaa

Magar Ye Ho Na Sakaa Aur Ab Ye ‘Aalam Hai

K Tuu Nahiin Tira Gham , Teri Justajoo Bhi Nahiin

Guzar Rahii Hai Kuchh Is Tarah Zindagii Jaise

Ise Kisii Ke Sahaare Ki Aarzoo Bhi Nahiin

Zamaane Bhar Ke Dukhon Ko Lagaa Chukaa Houn Gale

Guzar Rahaa Houn Kuchh Anjaani Rah-Guzaaron Se

Muheeb Saaye Mirii Samt Barhte Aate Hain

Hayaat-O-Maut Ke Purhaul Khaarzaaron Se

Na Koii Jaadaa, Na Manzil, Na Roshnii Ka Suraag

Bhatak Rahii Hai Khalaaon Mein Zindagii Meri

Inhii Khalaaon Mein Rah Jaaoungaa Kabhii Kho Kar

Main Jaantaa Houn Mirii Ham Nafas Magar Yuun Hi

Kabhi Kabhi Mere Dil Mein Khayaal Aataa Hai

By SAHIR

Bhooley Sey Mohabbat Kar Betha

Bhooley Sey Mohabbat Kar Betha, Nadaa.N Tha Bechara, Dill Hi Tu Hay

Har Dill Sey Khata Ho Jaati Hay, Bigro Na Khudara Dill Hi Tu Hay

Is Tarha Nigahai.N Mat Phairo, A Isa Na Ho Dharkan Ruk Jaay

Seeney Main Koi Pather Tu Nahi, Ehsaas Ka Mara, Dill Hi Tu Hay

Jazbaat Bhi Hindu Hotey Hain, Chahat Bhi Musalmaa.N Hoti Hay

Duniya Ka Ishara Tha Lekin Samjha Na Ishara, Dill Hi Tu Hay

Bedaad Garoo.N Ki Thokar Sey, Sab Khwaab Suhane Choor Howe

Abb Dill Ka Sahara Ghum Hi Tu Hay, Ab Ghum Ka Sahara Dill Hi Tu Hay

Tang Aa Chuke Hain Kash-Ma-Kash-E-Zindagii Se Ham

Tang Aa Chuke Hain Kash-Ma-Kash-E-Zindagii Se Ham

Thukaraa Naa Den Jahaan Ko Kahiin Bedilii Se Ham

Maayuusii-E-Ma'al-E-Mohabbat Naa Puuchhiye

Apanon Se Pesh Aaye Hain Begaanagii Se Ham

Lo Aaj Hamane Tod Diyaa Rishtaa-E-Ummiid

Lo Ab Kabhii Gilaa Naa Karenge Kisii Se Ham

Ubharenge Ek Baar Abhii Dil Ke Val-Vale

Go Dab Gaye Hain Baar-E-Gam-E-Zindagii Se Ham

Gar Zindagii Men Mil Gaye Phir Ittafaaq Se

Puuchhenge Apanaa Haal Terii Bebasii Se Ham

Allaah Re Fareb-E-Masahiiyat Ke Aaj Tak

Duniyaa Ke Zulm Sahate Rahe Khaamoshii Se Ham

Ham Gam-Zadaa Hain Laaye Kahaan Se Khushii Ke Giit

Denge Wahii Jo Paayenge Is Zindagii Se Ham

Main Ne Jo Geet Tere Pyar Kee Khatir Likhe

Main Ne Jo Geet Tere Pyar Kee Khatir Likhe

Aaj Un Geeton Ko Bazar Mein Le Aya Hoon

Aaj Dukan Pe Neelam Uthega Un Ka

Too Ne Jin Geeton Pe Rakhi Thi Muhabbat Ki Asas

Aaj Chandi Ke Tarazu Mein Tulegi Har Chez

Mere Afakar Meri Shayari Mera Ehasas

Jo Teri Zaat Se Manasoob The Un Geeton Ko

Muflisi Jins Banane Pe Utar Aai Hai

Bhook Tere Rukh-E-Rangeen Ke Fasanon Ke Ewez

Chand Ashiya-E-Zaroorat Ki Tamanai Hai

Dekh Is Arsagah-E-Mehanat-O-Sarmaya Mein

Mere Naghmen Bhi Mere Paas Nahin Rah Sakate

Tere Jalwe Kisi Zaradar Ki Miras Sahi

Tere Khake Bhi Mere Paas Nahin Rah Sakate

Aaj Un Geeton Ko Bazar Mein Le Aayaa Hoon

Main Ne Jo Geet Tere Pyar Ki Khatir Likkhe

Jab Kabhi Un Ke Tavajjo Men Kami Pai Gai

Jab Kabhi Un Ke Tavajjo Men Kami Pai Gai

Az Sar-E-Nava-E-Dastan-E-Shauq Doharai Gai

Bik Chuke Jab Tere Lab Phir Tujh Ko Kya Shikawa Agar

Zindagani Bada-O-Sagar Se Bahalai Gai

Ai Gham-E-Duniya Tujhe Kya Ilm Tere Wastey

Kin Bahanon Se Tabiyat Rah Par Lai Gai

Ham Karen Tark-E-Wafa Achha Chalo Youn Hee Sahi

Aur Agar Tark-E-Wafa Se Bhi Na Ruswai Gai

Kaise Kaise Chashm-O-Aariz Gard-E-Gham Se Bujh Gaye

Kaise Kaise Paikaron Ki Shan-E-Zebai Gai

Dil Kii Dhadakan Men Tavazzun Aa Chalaa Hai Khair Ho

Merii Nazaren Bujh Gaiin Yaa Terii Raanaaii Gaii

*Un Kaa Gam Un Kaa Tasavvur Un Ke Shikave Ab Kahaan*

*Ab To Ye Baaten Bhii Ai Dil Ho Gaiin Aaii Gaii*

Sab Mein Shamil Ho Magar Sab Se Juda Lagti Ho

Sab Mein Shamil Ho Magar Sab Se Juda Lagti Ho

Sirf Hum Se Nahee Khud Se Bhi Khafa Lagti Ho

Aankh Uth Ti Hai Na Jhukti Hai Kisi Ki Khatir

Saans Chadhti Hai Na Rukti Hai Kisi Ki Khatir

Jo Kisi Dar Pe Na Thehre Wo Sada Lagti Ho

Zulf Lehraaye To Aanchal Mai Chhipa Leti Hai

Hont Tharrayen To Daanton Mai Daba Leti Hai

Jo Kabhi Khul Ke Barse Wo Ghata Lagti Ho

Jaagi Jaagi Nazar Aayee Ho Na Soyee Soyee

Tum Ho Kia Apney Khayalaat Mai Khoi Khoi

Kisi Mayoos Muqaddar Ki Dua Lagti Ho

Kahaan Ho Tum, Zara Aawaaz Do, Ham Yaad Kartay Hain

Kahaan Ho Tum, Zara Aawaaz Do, Ham Yaad Kartay Hain

Kabhi Bhartey Hain Aahain, Aur Kabhi Faryaad Kartay Hain

Juda Bulbul Hai Apnay Phool Se, Aur Ro K Kahti Hai,

Arey Dunya, Kiya Wo Zulm, Jo Saiyyaad Kartay Hain

Hamaari Baybasi Ye Hai, K Ham Kuchh Kah Nahin Saktay

Wafa Badnaam Hoti Hai, Agar Faryaad Kartay Hain

Jahaan Hain, Aur Jis Haal Mein Hain, Ham Tumhaarey Hain

Tum Hi Aabaad Ho Dil Mein, Tum Hi Ko Yaad Kartay Hain

(Saahir Ludhiyaanvi)

Mere Dilbar Mujh Per Khafa Na Ho