Aks-E-Khushbu Hun Bikharnay Sy Na Rokay Koi

Aks-E-Khushbu Hun Bikharnay Sy Na Rokay Koi
Aur Bikhar Jaun To Mujh Ko Na Samaitay Koi

Kaanp Uthti Hun Yehi Soch K Tanhai Mein
Meray Chehray Py Tera Naam Na Parh Lay Koi

Jis Tarah Khawab Meray Ho Gayay Raiza Raiza
Is Tarah Sy Na Kabhi Toot K Bikhray Koi

Main To Us Din Sy Hirasaa'n Hun Keh Jb Hukm Milay
Khushk Phoolon Ko Kitaabon Mein Na Rakhay Koi

Ab To Is Raah Sy Woh Shakhs Guzarta Bhi Nahin
Ab Kis Umeed Sy Darwazay Sy Jhanky Koi