Ishq La Mahdood Jab Tak Rehnuma Hota Nahi

Ishq La Mahdood Jab Tak Rehnuma Hota Nahi
Zindagi Se Zindagi Ka Haq Aada Hota Nahi

Is Se Barh Kar Dost Koi Dusraa Hota Nahi
Sab Juda Ho Jaayen Lekin Gham Juda Hota Nahi

Zindagi Ik Hadsaa Hai Aur Aisa Hadsaa 
Maut Se Bhi Khatm Jis Ka Silsila Hota Nahi

Dard Se Maamur Hoti Ja Rahi Hai Kayenaat 
Ik Dil E Insaan Magar Dard Aashnaa Hota Nahi

Is Maqaam E Qurb Tak Ab Ishq Pahuncha Hai Jahaan 
Deeda O Dil Ka Bhi Aksar Wastaa Hota Nahi

Waqt Aata Hai Ik Aisaa Bhi Sar E Bazm E Jamaal 
Samne Hote Hain Wo Aur Saamna Hota Nahi

Kya Qayamat Hai Ke Is Daur E Taraqqii Mein Jigar
Aadmi Se Aadmi Ka Haq Adaa Hota Nahi..X..

(Jigar Muradabadi)