Tumhare Khat Main Naya Ik Salam Kis Ka Tha

Tumhare Khat Main Naya Ik Salam Kis Ka Tha
Na Tha Raqib To Akhir Wo Naam Kis Ka Tha

Wo Qatl Kar Ke Har Kisi Se Puchte Hain
Ye Kam Kis Ne Kiya Hai Ye Kam Kis Ka Tha

Wafa Karenge Nibhayenge Bat Manenge
Tumhen Bhi Yad Hai Kuch Ye Kalam Kis Ka Tha

Raha Na Dil Main Wo Be-Dard Aur Dard Raha
Muqim Kaun Hua Hai Maqam Kis Ka Tha

Na Puch-Pach Thi Kisi Ki Na Awo-Bhagat
Tumhari Bazm Main Kal Ehtamam Kis Ka Tha

Hamare Khat Ke To Purze Kiye Parha Bhi Nahin
Sun Jo Tum Ne Ba-Dil Wo Payam Kis Ka Tha

Inhin Sifat Se Hota Hai Admi Mashhoor
Jo Lutf Ap Hi Karte To Nam Kis Ka Tha

Guzar Gaya Vo Zamana Kahen To Kis Se Kahen
Khayal Mere Dil Ko Subah-O-Sham Kis Ka Tha

Har Ek Se Kahte Hain Kya “Dag” Bevafa Nikla
Ye Puche In Se Koi Vo Gulam Kis Ka Tha..