Parday Main Awaz K Shamil To Wohi Hy

Parday Main Awaz K Shamil To Wohi Hy.
Hum Laakh Badal Jay,N Magar Dil To Wohi Hy.

Mozo E Sukhan Hy Wohi Afsana E Shere,N
Mahfil Ho Koi Ronaq E Mahfil To Wohi Hy.

Mahsos Jo Hota Hy Dikhai Nahi Daita.
Dil Aur Nazar Main Had E Fasil To Wohi Hy.

Har Chand Teray Lutf Say Mahroom Nahi Hum.
Lekin Dil E Bytaab Ke Mushkil To Wohi Hy.

Lut Jatay Hain Din Ko Bhe Jaha,N Qaflay Walay.
Hoshyaar Musafir K Ye Manzil To Wohi Hy

Wo Rang Wo Awaaz Wo Saj Aur Wo Sourat
Sach Kahtay Ho Tum Pyaar K Qabil To Wohi Hy.

Sad Shukar K Is Haal Main Jetay To Hain Nasir.
Hasil Na Sahi Kawish E Hasil To Wohi Hy.