Wednesday, October 5, 2011

Qadam Qadam Tha Naya Marhala Main Kya Karta

Qadam Qadam Tha Naya Marhala Main Kya Karta?
Taweel Hota Gaya Tha Faasla Main Kya Karta??

Har Aik Shakhs Ko Tha Zauq -E- Rahbari Kitna
Bhatak Raha Tha Mera Qaafla Main Kya Karta ??

Gham-E-Hayat,Gham-E-Ishq Aur Gham-E-Janaan
Ulajh Gaya Tha Yun Her Ik Silsilaa Main Kya Karta?

Tumharey Sath Kisi Bhi Faisley Ki Fursat Kab Thi
Tumharey Baad Bhala Koi Faisla Main Kya Karta?

Bohat Sambhaal K Rakha Tha Dil Mein Raaz Tera
Woh Ban K Aashk Jo Girnay Laga Main Kya Karta?

Mujhi Se Mangney Aaya Woh Lay Key Majboori
Ab Uss Sey Uss Ki Jafa Ka Gilaa Main Kya Karta ?

Woh Aansuoon Ki Zubaan Khub Janta Tha Meri..
Mujhe Bayaan Ka Na Tha Hosla Main Kya Karta

No comments:

Post a Comment

StatCounter