Wednesday, October 5, 2011

Zakhm e Tanhai Mein Khusho e Hina Kis Ki Thi

Zakhm_e_Tanhai Mein Khushbo_e_HinA Kis Ki Thi
Saaya Deevar Per Mera Tha, Sada Kis Ki Thi

Os ki Raftaar Say Lipti Raheen Ankhein Meri
Os Ne Murr Kar Bhi Na Dekha k Wafa Kis Ki Thi

Ansuon Say He Bhar Gaya Daaman Mera
Haath To Main Ne Uthaaya Tha, Dua Kis Ki Thi

Meri Aahon Ki Zaban Koi Samjhta Kaisay?
Zindagi itni Dukhi Meray Siva Kis Ki Thi

Aag Say Dosti Os Ki Thi, JaLa Ghar Mera
Dee Gai Kis Ko Saza, Aur Khata Kis Ki Thi 

No comments:

Post a Comment

StatCounter