Aankh Barsi Hai Tere Naam Pe Sawan Ki Tarah
Jism Sulga Hai Teri Yad Mein Eandhan Ki Tarah
Lorian Di Hain Kisi Qurb Ki Khawahish Ne Mujhe
Kuch Jawani K Bhi Din Guzre Hain Bachpan Ki Tarah
Is Bulandi Se Mujhe Tu Ne Nawaz Kion Tha
Gir K Mein Toot Gia Kanch K Bartan Ki Tarah
Mujh Se Milte Hue'y Yeh Baat To Sochi Hoti
Mein Tere Dil Mein Sama Jaon Ga Dharkan Ki Tarah
Muntazir Hai Kisi Makhsoos Si Aaht Ke Lie'y
Zindgi Bethi Dehliz Pe Birhan Ki Tarah
Poet:-
Murtaza Birllas Baig
No comments:
Post a Comment