Meri Jaan Tum Se Apna Aap Piara Kon Karta Hai
Marz Dene Lagey Taskeen To Chara Kon Karta Hai
Kai Gumnam Khushian Photi Hain Raat Bhar Dil Mein
Na Janey Khawab Mein Aa Kar Ishara Kon Karta Hai
Kabhi Socha Nahin Tum Ne Ke Tum Ko Aek Muddat Se
Samey Ki Owt Se Chup Kar Pukara Kon Karta Hai
Abhi To Mil Ke Chaltey Hain Sumandar Ki Mussafat Mein
Phir Is Ke Ba’d Dekhen Ge Kinara Kon Karta Hai
Ghatain Kon Lata Hai Meri Aankhon Ke Mousam Mein
Phir Is Ke Ba’d Barish Ka Nazara Kon Karta Hai
No comments:
Post a Comment