Raaton ka karb,din kii thakan mere saath hai
yaadon ka ik dariida kafan mere saath hai
barso.n se jal rahaa huu.N mai.n qurbat kii aag mei.n
naa qaabil-e-bayaan jalan mere saath hai
mere liye to saa.Ns bhii lenaa muhaal hai
maahaul kii ye saarii ghuTan mere saath hai
aa.Nkho.n mei.n bas gayi hai kisii shokh kii tarah
har ik qadam pe yaad-e-dakan mere saath hai
ehd-e-wafa ko terii tarah kaise toD duu.N
mera mizaj mera chalan mere saath hai
No comments:
Post a Comment