TUMHEN JAB KABHI MILEN FURSATEN

تمھیں جب کبھی ملیں فرصتیں مرے دل سے بوجھ اتار دو

میں بہت دن سے اداس ہوں مجھے کوئی شام ادھار دو

مجھے اپنے روپ کی دھوپ دو چمک سکیں میرے خال و خد

مجھے اپنے رنگ میں رنگ دو میرے سارے زنگ اتار دو

کسی اور کو مرے حال سے نہ غرض ہے کوئی نہ واسطہ

میں بکھر گیا ہوں سمیٹ لو، میں بگڑ گیا ہوں سنوار دو

مری وحشتوں کو بڑھا دیا ہے جدائیوں کے عذاب نے

مرے دل پہ ہاتھ رکھو ذرا، مری دھڑکنوں کو قرار دو

تمھیں صبح کیسی لگی، کہو، مری خواہشوں کے دیار کی

جو بھلی لگی تو یہیں رہو، اسے چاہتوں سے نکھار دو

وہاں گھر میں کون ہے منتظر کہ ہو فکر دیر سویر کی

بڑی مختصر سی رات ہے اسی چاندنی میں گزار دو

کوئی بات کرنی ہے چاند سے کسی شاخسار کی اوٹ سے

مجھے راستے میں یہیں کہیں، کسی کنج گل میں اتار دو

Tumhen Jab Kabhi Milen Fursaten Mere Dil Se Bojh Utar Do

Mein Bahut Din Se Udas Hoon, Mujhe Koi Sham Udhar Do

Mujhe Apne Roop Ki Dhoop Do, Chamak Saken Mere Khal O Khad

Mujhe Apne Rang Mein Rang Do, Mere Sare Zang Utar Do

Kisi Aor Ko Mere Haal Se Na Gharz Hai Koi, Na Wasta

Mein Bikhar Gia Hoon Samet Lo, Mein Bigar Gia Hoon Sanwar Do

Meri Wehishaton Ko Barha Dia Hai Judaion Ke Azzab Ne

Mere Dil Pe Hath Rakho Zara, Meri Dharkenon Ko Qarar Do

Tumhen Subah Kaisi Lagi Kaho Meri Khawhishon Ke Diar Ki

Jo Bhali Lagi To Yahen Raho, Isey Chahton Se Nikhar Do

Wahan Ghar Mein Kaon Hai Muntazir Ke Ho Fiker Der Sawer Ki

Bari Mukhtasir Si Yeh Raat Hai, Issi Chandani Mein Guzar Do

Koi Baat Karni Hai Chand Se Kisi Shakhsar Ki Owt Se

Mujhe Raste Mein Yahen Kahen, Kisi Kanj Gull Mein Utar Do