us simt mujh ko yaar ne jaane nahi diyaa
ek aur shahar-e-yaar mein aane nahi diya
kuch aur waqt chaahte the ki sochein tere liye
tuune vo waqt hum ko zamaane nahi diya
manzil hai is mahek ki kahaan kis chaman mein hai
is ka pata safar mein hawa ne nahi diya
roka anaa ne kaavish-e-besud se mujhe
us but ko apna haal sunaane nahi diya
hai jis ke baad ahad-e-zawaal-aashna "Munir"
itna kamal hum ko Khuda ne nahi diy.
No comments:
Post a Comment