Eik Masoom Takaddus Mein Bhigoya Huwa Lams,
Kitna Pakiza Hay Ehsas Mein Dhoya Huwa Lams.
Ye Tere Jism Ki Khushbu Ka Sonehra Ehsas,
Jis Terha Chand K Haaley Mein Paroya Huwa Lams.
…Us K Hontoon Ko Mein Chhu Loon To Gumaan Hota Hay,
Jese Jannat K Gulaboon Mein Daboya Huwa Lams.
Jo Meri Rooh Mein Utrey He Chale Jaate Ho,
Ik Nae Rang Mein Ubhrey Ga Ye Boya Huwa Lams.
Bhegi Khusbo Mein Basa, Wasl Mein Bhega Bhega,
Kitna Masoom Hay Pehlo Mein Ye Soya Huwa Lams.
Tishnagi Aan Basi Hay Meri Pooroon Mein WASI,
Dhondta Phirta Hun Muddat Se Main Khoya Huwa Lams.
No comments:
Post a Comment