Thursday, August 25, 2011

Tum Mujhko Gurriya Kehte Ho


Tum Mujhko Gurriya Kehte Ho,
Theek He Kehte Ho,
Khelnay Walay Sab Hathoan Ko
Mein Gurriya He Lagti Hun,
Jo Pehna Do,Mujh Pe Sujayga,
Mera Koi Rang Nahin,
Jis Buchay K Hath Thuma Do,
Meri Kisi Se Jang Nahin,
Soati Jagti Aankhain Meri,
Jub Chahay Beenaee Le Lo,
Koook Bharo Aur Batain Sun Lo,
Ya Meri Goyaaee Le Lo,
Maang Bharo Senduur Lagao,
Pyar Karo ,Aankhoan Mein Basao,
Aur Phir Jub Dil Bhar Jaaiy Tau,
Dil Se Utha K Taaq Pe Rakh Do

Tum Mujh Ko Gurriya Kehte Ho,
Theek He Kehtay Ho

Parvin Shakir

No comments:

Post a Comment

StatCounter