Friday, August 19, 2011

Masti-E-Haal Kbhi Thi K Na Thi Bhool Gaye


Masti-E-Haal Kbhi Thi K Na Thi Bhool Gaye
Yaad Apni Koi Haalat Na Rahi Bhool Gaye..

Harm-E-Naaz-O-Adaa Tujh Se Bichernay Waly
Butt'giri Bhool Haye,Butt'shikni Bhool Gaye..

Yoon Mujhe Bhaij K Tanha Sar-E-Bazaar-E-Faraib
Kya Mery Dost Meri Saada'dili Bhool Gaye..

Ab Mery Ashk-E-Mohabbat Bhi Nahi Aap Ko Yaad
Aap To Apny Hi Daaman Ki Nami Bhool Gaye..

Ab Koi Mujhko Dilaye Na Mohabbat Ka Yaqeen
Jo Mujhe Bhool Na Saktay Thy Wohi Bhool Gaye..

Aur Kya Chahti Hai Gardish-E-Ayyaam K Hum
Apna Ghar Bhool Gaye,Uski Gali Bhool Gaye..

Kya Kahain Kitni Hi Baatain Thin Jo Ab Yaad Nahi..!!
Kya Karain Hum Se Bari Bhool Hui,Bhool Gaye...
{Jaun Elia}

No comments:

Post a Comment

StatCounter