Thursday, August 25, 2011

Resham Zulfon Neeli Aankhon Walay Achay Lagtay Hain


Resham Zulfon Neeli Aankhon Walay Achay Lagtay Hain
Main Shaa'ir Hoon Mujhko Ujlay Chehray Achay Lagtay Hain..

Tum Khud Socho Aadhi Raat Ko Thanday Chaand Ki Chaaon Mein
Tanha Raahon Par Hum Dono Kitnay Achay Lagtay Hain..

Aakhir Aakhir Sachay Qool Bhi Chubhtay Hain Dil Walon Ko
Pehly Pehly Payar K Jhootay Waaday Achay Lagtay Hain..

Jab Se Wo Pardees Gaya Hai Sheher Ki Ronaq Rooth Gayi
Ab To Apny Ghar K Band Dareechay Achay Lagtay Hain..

Kaali Raat Mein Jagmag Karty Taaray Kon Bichata Hai?
Kis Dulhan Ko Ye Moorti,Ye Gehnay Avhay Lagtay Hain..

Kal Us Roothay Roothay Yaar Ko Dekha To Mehsoos Huwa..!!
MOHSIN Ujlay Jism Pe Meelay Kapray Achay Lagtay Hain...

{Mohsin Naqvi}

No comments:

Post a Comment

StatCounter