Friday, August 19, 2011

Koi Pathar Koi Gohar Kion Hai


Koi Pathar Koi Gohar Kion Hai
Farq Logon Main Iss Qadar Kion Hai
Tuu Mila Hai To Ye Khayaal Aaya
Zindagi Itni Mukhtasar Kion Hai
Jab Tujhe Laut Ker Nahi Aana
Muntzair Meri Chashm-E-Terr Kion Hai
Uss Ki Aankhain Kaheen Sadaf To Nahi
Uss Ka Her Ashk He Gohar Kion Hai
Raat Pehle He Kion Nahi Dhalti
Teergi Shab Ki Ta sahar Kion Hai
Ye Bhi Kesa Azaab De Daala
Hai Muhabbat To Is Qadar Kion Hai
Tuu Nahi Hai to Roz-O-Shab Kese
Shaam Kion Agai Sahar Kion Hai
Kion Rawana Hai Her Ghari Dunya
Zindagi Mustaqil Safar Kion Hai
Main To Ek Mustaqil Musafir Hoon
Tuu Bhala Mera Hamsafar Kion Hai
Tujh ko Milna Nahi Kisi Se Adeem
Phir Bichhernay Ka Tujh Ko Darr Kion Hai

Adeem hashmi...

No comments:

Post a Comment

StatCounter