Monday, August 22, 2011

Main Talkhie-e-Hayat Se Ghabra Ke Pee Gaya


Main Talkhie-e-Hayat Se Ghabra Ke Pee Gaya,
Gham Ki Siyah Raat Se Ghabra K Pee Gaya.

Itni Daqeeq Shey Koi Kese Samajh Sake,
Yazdaan K Waaqiyaat Se Ghabra K Pee Gaya......

Chhalke Hue Thye Jaam Pareshaan Thee Zulf-E-Yaar,
Kuch Aese Halaat Se Ghabra K Pee Gaya...

Main Aadmi Houn Koi Farishta Nahi Huzoor,
Main Aaj Apni Zaat Se Ghabra K Pee Gaya...

Kaante To Khair Kaante Hain Un Se Gila Hee Kya,
Pholoun Ki Waardaat Se Ghabra K Pee Gaya...

"Saghar" Wo Keh Rahe The Pee Liejiye Huzoor,
Un Ki Guzaarshaat Se Ghabra K Pee Gaya...


Saghar Siddiqui

No comments:

Post a Comment

StatCounter