Ab Ke Tajdid-E-Vafa Ka Nahin Imkan Jana

Ab Ke Tajdid-E-Vafa Ka Nahin Imkan Jana
Yad Kya Tujh Ko Dilayain Tera Paiman Jana

Yon Hi Mausam Ki Ada Dekh Ke Yad Aya Hai
Kis Qadar Jald Badal Jate Hain Insan Jana

Zindagi Teri Ata Thi So Tere Nam Ki Hai
Ham Ne Jaise Bhi Basar Ki Tera Ehsan Jana

Avval-Avval Ki Muhabbat Ke Nashe Yad To Kar
Bepiye Bhi Tera Chehara Tha Gulistan Jana

Akhir Akhir To Ye Alam Hai Ki Ab Hosh Nahin
Rag-E-Mina Sulag Uthi Ki Rag-E-Jan Jana

Muddaton Se Ye Alam Na Tavaqqo Na Ummid
Dil Pukare Hi Chala Jata Hai Jana Jana

Ham Bhi Kya Sada The Ham Ne Bhi Samajh Rakha Tha
Gam-E-Dauran Se Juda Hai Gam-E-Jana Jana

Ab Ki Kuch Aisi Saji Mahafil-E-Yaran Jana
Sar-Ba-Zanu Hai Koi Sar-Ba-Gireban Jana

Har Koi Apani Hi Avaz Se Kanp Uthata Hai
Har Koi Apane Hi Saye Se Hirasan Jana

Ham Ki Ruthi Hui Rut Ko Bhi Mana Lete The
Ham Ne Dekha Hi Na Tha Mausam-E-Hijran Jana

Hosh Aya To Sabhi Khvab The Reza-Reza
Jaise Urte Huye Auraq-E-Pareshan Jana