Friday, September 9, 2011

Hamara Kya Hai K Hum Tou Chirag-E-Shab Ki Tarah

Hamara Kya Hai K Hum Tou Chirag-E-Shab Ki Tarah,
Agar Jalay B Tou Bas Itni Roshani Hogi,
K Jaisay Tund Andhero'n Ki Raah Mei'n Jugnu,
Zara Si Dair Ko Chamkay Chamak K Kho Jaye,
Phir Is K Bad Kisi Ko Na Kuch Sujhai Day,
Na Shab Katay Na Suragh-E-Sahar Dikhayi Day,
Hamara Kya Hai K Hum Tou Pas-E-Ghubar-E-Safar,
Agar Chalay B Tou Bas Itni Raah Tay Hogi,
K Taiz Havao'n K Zard Ma'ayil Naqsh-E-Qadam,
Zaraa Si Dair Ko Ubharay, Ubhar K Mit Jaye,
Phir Us K Baad Na Rasta Na Rah Guzar Milay,
Had-E-Nigah Talak, Dasht-E-Be-Kinar Milay,
Hamari Simt Na Dekho K Koi Dair Mei'n Hum,
Qabila-E-Dil-O-Ja'n Juda Honay Walay Hai'n,
Basay Basaye Hoye Shahar Apani Aankho'n K,
Misal-E-Khanaa-E-Viraa'n Ujadanay Walay Hai'n,
Hawa Ka Shor Ye Hi Hai Tou Dekhtay Rehna,
Hamari Umar K Khemay Ukhadanay Walay Hai'n!

(Mohsin Naqvi)

No comments:

Post a Comment

StatCounter