Friday, September 2, 2011

Ilhaam, Wahhi K Shairi Hai


Ilhaam, Wahhi K Shairi Hai
Iss Dil Pay Jo Aaj Utar Rahi Hai

Yeh Wasl Hai Ya Main Khwab Mein Hoon
Hai Khwab K Wasl Ki Ghari Hai?

Soya Hai Wajood Aur Dil Mein
Ik Cheez Ajeeb Jaagti Hai

Khushboo Say Mehek Raha Hai Aangan
Aur Tan Pay Bahaar Aa Gaei Hai

Aaghosh Mein Khill Uthha Hai Gulshan
Hontoan Pay Gulon Si Taazgi Hai

Aankhon Mein Charagh Jall Rahay Hain
Maathay Pay Anokhi Roshni Hai

Kuch Door Pay Hai Khizaan Ka Dera
Basti Yeh Bahar Mein Basi Hai

Main Raah Pay Teri Chal Rahi Hoon
Duniya Meri Samt Dekhti Hai

Kam Hon Gay Aseer-E-Yad-E-Janan
Yeh Bhi To Ataey Zindagi Hai

Samina Raja

No comments:

Post a Comment

StatCounter